Qostanai oblysy Jıtıqara qalasynda jeke tūrǧyn üide şyqqan ört saldarynan üi şatyry opyrylyp tüsıp, bes bala qaza tapty, dep habarlaidy «Adyrna» ūlttyq portaly.
Oblystyq äkımdıktıŋ habarlauynşa, ört taŋǧy saǧat 4:29-da bastalǧan. Ört söndıruşıler oqiǧa ornyna 7 minut ışınde jetkenımen, üi tolyǧymen örtke oranǧan. Saǧat 6:08-de ört söndırıldı.
«Ökınıştısı, üiındını tazartu nätijesınde 2011, 2016, 2018, 2019, 2022, 2023 jyly tuǧan kämeletke tolmaǧan balalar üiden tabyldy. 2011 jyly tuǧan ülken balasy ǧana aman qalǧan. Aldyn ala mälımet boiynşa, balalardyŋ anasy keşkısın qūrbysyna ketken. Küieuı türmede otyr», - delıngen oblystyq äkımdıktıŋ mälımdemesınde.
Aldyn ala mälımet boiynşa, peş qarausyz qalyp, jalyn sodan paida boluy mümkın. Oqiǧanyŋ sebepterın mamandar anyqtauda. Ört – tehnikalyq zertteuge tapsyryldy.
Eske sala keteiık, osyǧan ūqsas jaǧdai bes jyl būryn Astana qalasy maŋyndaǧy Köktal şaǧyn audanynda da bolǧan edı. Ol kezde ata-analary tüngı auysymda jūmysta jürıp, üiınde jalǧyz qalǧan bes bala ört saldarynan qaza tapqan. Körşılerı örttı körıp kömekke ūmtylǧanymen, jalynnyŋ küştı bolǧany sonşa, balalardy qūtqaryp ülgermegen. Bes qyzdyŋ ülkenı nebärı 13 jasta, al eŋ kışısı üş ailyq säbi bolatyn. Osy oqiǧadan keiın, tūrmystyq jaǧdai men peştıŋ qauıpsızdıgı mäselelerı talqyǧa tüsıp, qoǧamdy bei-jai qaldyrmady. Būl jaǧdailar balalar qauıpsızdıgın qamtamasyz etu men tūrmystyq jaǧdaidyŋ jaqsaruyna ülken män beru qajettıgın taǧy bır ret körsetıp otyr
Ūqsas jaŋalyqtar
