«Zerendi-Astyq» JShS jáne onyń ınvestory – «Qazaqstan astyq konsorıýmy» JShS basshylary baspasóz májilisinde bıylǵy egin naýqanynyń barysy jaıynda baıandap, jýrnalısterdiń saýaldaryna jaýap berdi.
«Qazaqstan astyq konsorıýmy» JShS bas dırektory Baqtııar Ospanovtyń aıtýynsha, bıyl «Zerendi-Astyq» JShS mol ónim berip, konsorıým seriktestikke ınvestor bolyp kelgennen bergi rekordty kórsetkishke ıe bolǵan. Qazirgi tańda kompanııa paıshylarǵa tólemaqy berý jumystary bastaldy. Aıta ketý kerek, Qazaqstan astyq konsorıýmyna kiretin sharýashylyqtar arasynda «Zerendi-Astyq» JShS alǵashqy bolyp paı boıynsha tólemaqy berip jatyr.
«Qazaqstan astyq konsorıýmy 2021 jyly «Zerendi-Astyq» seriktestigine onyń qaryzdaryn ótep, jumysty jolǵa qoıý maqsatynda kelgen bolatyn. Burynǵy akıonerdiń kezinde kompanııa quldyrap, onyń túrli bankte qaryzdary bar boldy. «Zerendi-astyqtyń» ózi Problemalyq kredıtter qoryna kepilge berilgen. Kompanııa bankrot bolýdyń aldynda ǵana turǵan edi. Biz ınvestor retinde kelý arqyly arqyly kepilde turǵan jerlerdiń satylyp ketýiniń aldyn aldyq. Árıne, memleket bizge kompanııanyń barlyq qaryzyn óteý mindetin qoıdy. Qazir bul máseleni birtindep sheship jatyrmyz», – dedi Baqtııar Ospanov.
Alaıda, onyń túsindirýinshe, «Zerendi-Astyq» JShS quramyna kiretin paıshylardyń zańsyz jolmen hattama jasaý arqyly seriktestikten shyǵýy kompanııanyń damýyna úlken kedergi keltirip otyr. Buryn 36 myń gektar jerge ıe bolǵan seriktestik búginde 18 myńǵa jýyq gektardan aıyrylǵan. Bul jerlerdiń ıeleri basqa kompanııalarǵa ótip ketken.
«Biz bul turǵyda ınvestor retinde óte qıyn jaǵdaıda qalyp otyrmyz. Óıtkeni, biz burynǵy akıonerdiń qaryzy tolyq óteý mindetin moınymyzǵa aldyq, alaıda egin egetin jer kólemi aıtarlyqtaı azaıyp ketti. Qazir seriktestik pen paıshylar arasynda uzaqqa sozylǵan sot proesi júrip jatyr. Atalǵan hattamalardyń jalǵan ekenin rastaıtyn sot sheshimderi shyqty. Degenmen, qazir bizge shartty túrde paıshylarmen beıbit kelisimge kelý úshin ýaqyt berilip otyr. Osyǵan oraı, biz paıshylardy seriktestikke qaıta oralýǵa, birge jumys isteýge, sáıkesinshe dıvıdendterin alýǵa shaqyramyz», – dedi Baqtııar Ospanov.
«Zerendi-Astyq» JShS málimetinshe, seriktestik quramynan shyǵyp ketken shamamen 70 paıshy 2023 jyly qaıta oralǵan. Qazirgi tańda taǵy 30-dan astam paıshy qaıta seriktestik quramyna ótý boıynsha daıyndyq jumystaryn júrgizip jatyr.
«Qazaqstan astyq konsorıýmy» JShS bas dırektory Baqtııar Ospanov bul rette paıshylarǵa tólenetin dıvıdend mólsheri de ulǵaıǵanyn eske saldy. Eger «Qazeksportastyq» kompanııasy ınvestor bolǵan tusta paıshylar ónimniń 5 paıyzy mólsherinde tólemaqy alsa, búginde ol 7,5 paıyzdy quraıdy.
Quramyna 23 sharýashylyq kiretin Qazaqstan astyq konsorıýmy basshysy kompanııanyń áleýmettik jaýapkershilik jáne kompanııany tehnıkalyq jaraqtandyrý baǵytyndaǵy jumystar týraly da baıandady. Kompanııa bıyl 43 jańa kombaın (10-y – ımporttyq ónim) satyp alsa, 2025 jylǵy kóktemde aýyl sharýashylyǵy tehnıkalarynyń qatary 32 egin egý keshenimen tolyǵady. Kompanııa áleýmettik jaýapkershilik aıasynda jyl saıyn aýyldar arasyndaǵy joldy qardan tazalaý jumystaryn óz kúshimen júzege asyrady. Sondaı-aq, «Zerendi-Astyq» JShS paıshylary turatyn, eńbek etetin aýyldarda mádenıet úıin, medıınalyq pýnktin jóndeý jumystaryn júzege asyryp jatyr.
«Ókinishke qaraı, bıylǵa deıin «Zerendi-Astyq» JShS kórsetkishteri tómen boldy. Oǵan qosa, paıshylardyń seriktestikten ketýi kompanııanyń joǵary damýyna múmkindik bermeı keldi. Soǵan qaramastan, kompanııa áleýmettik jaýapkershilik aıasyndaǵy óz mindettemelerin oryndap keledi. Biz tek tórtinshi jyl degende seriktestik tabysqa shyǵady dep boljap otyrmyz. Tabystyń artýyna qaraı oblysta áleýmettik baǵyttaǵy jumystardy kóbirek oryndaýǵa kúsh salamyz», – dedi Baqtııar Ospanov.
