Qaraǵandyda bir myń terek egildi. Á. Bókeıhan atyndaǵy aýdannyń Qazaqstannyń 50 jyldyǵy saıabaǵyna pıramıdaly terekter kósheti egildi. Jasyl jelekterdi egý "Taza Qazaqstan" respýblıkalyq akııasy aıasynda jalǵasty. Qala shetteri de nazardan tys qalmaıdy.
Akııany júzge jýyq adam qoldady. Onda eriktiler, qoǵam belsendileri, memlekettik qyzmetkerler jáne qarapaıym turǵyndarbar. Saıabaqty kógaldandyrýǵa ata-analar balalarymen birge kelgen. Munda turǵyndardyń ózderi baqylaıtyn 20 "otbasylyq" kóshet paıda boldy.
Akııa barysynda balalarǵa aǵashtardy qalaı durys egý jáne kútý kerektigi úıretildi.
Sondaı-aq tabıǵatqa qamqorlyq pen uqyptylyq tanytýǵa shaqyrdy.
– Biz barlyq turǵyndardy qalamyzdy kógalldandyrýǵa shaqyramyz. Óskeleń urpaqty tárbıeleýge erekshe nazar aýdarǵym keledi. Sondyqtan ata-analardy balalarymen birge aǵash egýge shaqyrdyq. Eń bastysy – jasyl keńistikke durys kútim qajet. Biz muny qadaǵalaıtyn bolamyz, – dedi Tabıǵı resýrstar jáne tabıǵatty paıdalanýdy retteý basqarmasynyń basshysy Baqtııar Sanbaev.
Bıyl Qaraǵandy oblysynda 130 myńnan astam aǵash egildi. Onyń ishinde memlekettik orman qory aýmaǵy 90 myń úıeńki, qaraǵaı, qaraǵash kóshetterimen tolyqty.
Qalalar men aýyldyq eldi mekenderde 40 myń aǵash egildi.
Sondaı-aq, "Taza Qazaqstan" akııasy barysynda ózender men kólderdiń jaǵalaýlary men arnalary retke keltiriledi. Jyl basynan beri 125 sý aıdyny tazartyldy.
