Dzıýdodan tuńǵysh olımpıada chempıony, jambyldyq Eldos Smetov respýblıkalyq referendýmǵa qatysyp, óz tańdaýyn jasady, dep habarlaıdy «Adyrna» ulttyq portaly.
Ol Taraz qalasyndaǵy №82 referendým ýchaskesine kelip daýys berdi. Memleket úshin mańyzdy oqıǵada azamattyq paryzyn oryndaǵan sportshy óz otandastarynyń daýysy keleshek úshin aıryqsha mánge ıe ekenin atap ótti.
— Búgingi referendým barsha qazaqstandyqtar úshin mańyzdy oqıǵa. Atom elektr stanııasyn salý nemese salmaý týraly tańdaýdy halyqtyń ózi jasap jatqanyn jón dep sanaımyn. Óz otandastarymdy óz tańdaýlaryn jasaýǵa shaqyramyn. Sebebi eldiń bolashaǵy qashan da halyqtyń qolynda. Men de qarapaıym halyqtyń qataryndaǵy azamatpyn. Meniń de daýysym mańyzdy dep oılaımyn. Búgin óz tańdaýymdy jasadym,- dedi chempıon.
