Qūqyqtyq tärtıp äskerınde sarbazdardyŋ qoǧam qairatkerlerımen, ataqty sprotşylarmen kezdesuı dästürge ainalǧan. Būl joly «Oŋtüstık» öŋırlık qolbasşylyǧyndaǧy ūlandyq jauyngerler bokstan aty aŋyzǧa ainalǧan, täuelsız Qazaqstannyŋ alǧaşqy olimpiada chempiondarynyŋ bırı - Balqaş jolbarysy Vasilii Jirovpen jüzdestı.
1996 jylǧy Atlanta olimpiadasynyŋ chempionymen kezdesu «Oŋtüstık» öŋırlık qolbasşylyǧy tärbie jäne äleumettık-qūqyqtyq jūmystar basqarmasynyŋ ūiymdastyruymen jüzege asty. 5571 äskeri bölımınde ötken şaraǧa 300-den asa sarbaz qatysty.
Balqaş jolbarysy biık belesterdı baǧyndyru jolynda talai kedergıler men qiyndyqtarǧa tap bolǧanyn, tek eren eŋbektıŋ arqasynda bärın eŋsere bılgenın asyqpai otyryp baiandap berdı. Biık armandarǧa jetudıŋ joldarymen bölısıp, salauatty ömır saltyn ūstanuǧa da şaqyrdy. Sarbazdar tarapynan qoiylǧan saualdar da jauapsyz qalmady.
- Kez-kelgen sport türı qataŋ tärtıptı talap etedı. Jıgıtter, senderge aitarym tärtıpke qol jetkızıp, tek biık belesterdı baǧyndyrularyŋdy tıleimın, - dep sözın qorytyndylady Vasilii Jirov.
Olimpiada chempiony ūlandyq sarbazdarǧa özınıŋ qoltaŋbasy qoiylǧan bokserlık qolǧaby men fotosuretterın estelıkke tartu ettı.
- Jirovtyŋ äŋgımesın zeiın qoiyp tyŋdaǧan sarbazdar erekşe ruhtanyp, būl kezdesuden ülken äser alǧandaryna senımdımın. Vasilii Jirov – halqymyzdyŋ maqtanyşy, özınıŋ eŋbegımen jäne tabandylyǧymen älemnıŋ sport arenasynda Qazaqstan tuyn jelbıretken sportşy. Vel Barker kubogynyŋ iegerın şaqyrudaǧy bızdıŋ maqsatymyz – sarbazdar arasynda salauatty ömır saltyn nasihattau. Bolaşaqta şyŋ basyna şyqqysy keletın sarbazdarǧa aǧa buyn ökılderınıŋ osyndai aqyl-keŋesı eşqaşan artyq etpeidı. Keregın türtıp alyp, qajetıne jaratady. Sondyqtan bız būl igı dästürdı jalǧastyra beremız, - deidı tärbie jäne äleumettık-qūqyqtyq jūmystar basqarmasynyŋ bastyǧy podpolkovnik Arman Seitov.
Kezdesu soŋynda qonaqqa qūrmet körsetılıp, «Oŋtüstık» öŋırlık qolbasşylyǧynyŋ qolbasşysy general-maior Talapker Ämıreevtıŋ atynan alǧys hat tabystaldy. Chempion sarbazdarmen estelık fotoǧa tüstı.
Qazaqstan Respublikasy Ūlttyq ūlany
«Oŋtüstık» öŋırlık qolbasşylyǧynyŋ
baspasöz qyzmetı
