Búgin Qala kúni qarsańynda oblys ákimi Nurlybek Nálibaevtyń qatysýymen «Jaıly mektep» ulttyq jobasy aıasynda Qyzylordanyń sol jaǵalaýyna salynǵan 900 oryndyq bilim oshaǵynyń saltanatty ashylý rásimi ótti. Bul týraly Qyzylorda oblysy ákiminiń baspasóz qyzmeti habarlady.
Is-sharaǵa jaýapty salalardyń, quqyq qorǵaý organdarynyń basshylary, Halyqaralyq Qarttar kúni qarsańynda aımaq basshysynyń arnaıy shaqyrtýymen barlyq aýdannan kelgen ardagerler, zııaly qaýym ókilderi qatysty.
Aımaq basshysy qala turǵyndaryn jańa mekteptiń ashylýymen quttyqtap, jınalǵan jurtshylyqqa izgi tilegin aıtty.
«Jas urpaqtyń bilimi men oqý-aǵartý isine barynsha kóńil bólý – memleketimizdiń eń mańyzdy mindeti. Bıyl óńirdiń bilim salasyna bólingen qarjy 262 mlrd 100 mln teńgege jetip, oblys bıýdjetiniń 35,2 paıyzyn qurady.
Memleket basshysynyń bastamasymen «Jaıly mektep» ulttyq jobasy elimizdiń barlyq aımaǵynda júzege asyrylýda. Ulttyq joba aıasynda 740 myń oqýshyǵa arnalǵan 369 mektep salynady.
Osy jobamen óńirimizde 12 300 orynǵa laıyqtalǵan 21 mektep salý josparlanǵan, onyń 10-nyń qurylysy júrgizilýde. «Jaıly mektep» jobasyn iske asyrý arqyly aımaǵymyzdaǵy 4 apatty jáne 3 beıimdelgen mekteptiń máselesi túbegeıli sheshimin tabady.
Búgin respýblıkalyq bıýdjettiń tikeleı qarjylandyrýymen, «Samuryq-Qazyna» akıonerlik qoǵamynyń úılestirýimen, 6 mlrd 851 mln teńgege salynǵan oblystaǵy alǵashqy 900 oryndyq «Jaıly mektep» el ıgiligine berilýde. Bul ǵımarat Qyzylorda qalasynyń sol jaǵalaýy turǵyndarynyń memlekettik mektepke degen suranysyna tolyq jaýap beredi.
Bilim ordasynda shákirtterdiń barlyq pándi oqyp úırenýine, ustazdardyń shyǵarmashylyqpen eńbek etýine tolyq múmkindik jasalǵan. Óskeleń urpaqtyń ıgiligi úshin Jańaqorǵan, Shıeli aýdandarynda 200 oryndyq oqýshylar úıi men 50 oryndyq óner mektebi, «SaýtsOıl» kompanııasynyń demeýshiligimen mýzykalyq kolledjdiń jańa ǵımaraty, Shyǵarmashylyq-ınnovaııalyq ortalyq, «Bilimdi qoldaý qory» esebinen fızıka-matematıka mektep-ınternaty salynýda. Mektep-ınternat ekinshi toqsanda paıdalanýǵa beriledi.
Jańa mektep salý, apatty mektepter men úsh aýysymdyq oqytýdy joıý – bilim salasyndaǵy basym baǵyttyń eń mańyzdysy. Osy bilim oshaǵynda ustaz ben shákirt, mektep pen ata-ana baılanysy artyp, aldyńǵy býynnyń izgi jolyn jalǵaǵan bilimdi de talantty, sanasy sergek, oıy ushqyr, básekege qabiletti jas urpaq tárbıelenip shyǵaryna senimimiz mol.
Jańa oqý jylynda bıik tabystarǵa qol jetkizip, alǵa qoıǵan maqsattaryńyz oryndalsyn! El múddesi jolyndaǵy ıgi isterdi birge atqaraıyq, jetistikke birge jeteıik! Egemen elimizdiń erteńi eńseli, táýelsizdigimiz tuǵyrly bolǵaı!», – dedi Nurlybek Nálibaev.
Jıynda «Samuryq-Qazyna Konstrakshn» akıonerlik qoǵamynyń basqarma tóraǵasy Máýlen Aımanbetov qala turǵyndaryn jańa mekteptiń ashylýymen quttyqtap, qatysýshylarǵa ıgi tilegin jetkizdi.
Jyl sońyna deıin 12 jańa mektep jáne 4 mektep janyndaǵy qosymsha qurylys aıaqtalyp, paıdalanýǵa beriledi. Ótken jyly oblys ortalyǵyndaǵy 4 mektepke 1 850 oqýshyǵa arnalǵan qosymsha ǵımarat salyndy. Bıýdjetke salmaq túsirmeı, qarjyny únemdeý arqyly oryn tapshylyǵy, úsh aýysymdy oqytýǵa kóshýi múmkin mektepter máselesi sheshimin tapty.
Byltyr 1 170 oryndyq 4 mektep, osy jyldyń basynda
550 oryndyq 2 mektep qoldanysqa berildi. Bıylǵy jańa oqý jyly qarsańynda Shıeli aýdanynda «Bilim berý ınfraqurylymyn qoldaý» qorynyń qarjylandyrýymen 100 oryndyq, Jańaqorǵan aýdanynda jergilikti bıýdjet esebinen 150 oryndyq mektepter el ıgiligine tabystaldy.
Saltanatty is-sharada zamanaýı bilim ordasynyń qurylysyn júrgizgen merdiger mekemeniń qyzmetkerleri oblys ákiminiń Alǵys hatymen marapattaldy.
