Pákistanda reseılik ushqyshtar mingen tikushaq apatqa ushyrady, dep habarlaıdy “Adyrna” ulttyq portaly Reuters jáne Aaj telearnasy derekkózderine silteme jasap.
Derekterge súıensek, 28 qyrkúıek kúni tikushaq Aýǵanstanmen shekaraǵa jaqyn Haıber-Pahtýnhva provınııasynyń Soltústik Vazırıstan aýdanynda qulaǵan. Bortta 14 adam bolǵan - altaýy qaza taýyp, taǵy segizi jaralanǵan.
Aaj habarlaýynsha, tikushaq bortynda úsh reseılik te bolǵan.
Mı-8 ushaǵyn Pákistannyń Mari Petroleum munaı barlaý jáne óndirý kompanııasy jaldaǵan, dep naqtylady Aaj aqparat kózderi. Olardyń málimetinshe, tikushaq tehnıkalyq aqaýǵa baılanysty Sheva munaı ken orny mańynda qulaǵan.
Sheva munaı ken orny Peshavar provınııasynyń astanasynan ońtústik-batysqa qaraı shamamen 200 km jáne Pákistan astanasy Islamabadtan 230 km qashyqtyqta soltústik baǵytta ornalasqan.
Washington Post (WP) jergilikti polıııaǵa silteme jasap, apatqa qozǵaltqyshtyń isten shyǵýy sebep bolǵan dep jazady.
«Ushý kezinde tikushaqta tehnıkalyq aqaý oryn aldy. <...> Tótenshe qoný kezinde quıryq rotory jerge tıip ketti, oqıǵa boıynsha tergeý bastaldy», - dedi jergilikti qaýipsizdik qyzmetkeri WP-ge.
Sondaı-aq ol tikushaqtaǵy úsh reseıliktiń ekeýi ushqysh, al úshinshisi ekıpaj múshesi ekenin aıtty. Basylymnyń suhbatshysy olardyń qaıtys bolǵanyn naqtylamady.
«Tikushaq qonýǵa múmkindigi bolǵanymen, ókinishke qaraı, keıin ol basqarýdan aıyryldy. Qazirgi ýaqytta barlyq tıisti vedomstvolardyń, sonyń ishinde Pákistan armııasynyń qoldaýymen evakýaııalaý jumystary júrgizilýde. Zardap shekkender jaqyn mańdaǵy aýrýhanaǵa jetkizilip jatyr», - dedi kompanııa ókili..
