Joǵarǵy Sot mektepterde oramal taǵýǵa tyıym salýdy joıǵan joq, dep habarlaıdy "Adyrna" ulttyq portaly Joǵarǵy sottyń málimdemesine siltep.
Málimdemede mekteptegi oramal taǵý máselesine qatysty jalǵan aqparat tarap jatqany aıtyldy.
"Buqaralyq aqparat quraldarynyń jarııalanymdarynda jáne áleýmettik jelilerde Joǵarǵy Sot mektepterde oramal taǵýdy zańdy dep tapty degen jalǵan aqparat taralýda. Isti qaraý aıasynda Joǵarǵy Sottyń ákimshilik ister jónindegi sot alqasy bilim berý mekemesinde oramal taǵýdyń zańdylyǵy jónindegi máseleni talqylaýǵa aralaspaǵan" delingen málimdemede.
Aqparatta kórsetilgendeı, beıindi mınıstrlikte (red. - Oqý-aǵartý mınıstrliginde) orta bilim berý uıymdary úshin mindetti mektep formasyna qoıylatyn talaptardy bekitý jónindegi ókilettikter bar.
"Kassaııalyq saty mekteptiń oqýshyny sabaqqa jibermeýin zańsyz dep tanydy, óıtkeni bilim alý quqyǵy Qazaqstan Respýblıkasy azamattarynyń negizgi konstıtýııalyq quqyqtarynyń biri bolyp tabylady. Sonymen qatar, beıindi Mınıstrlikte orta bilim berý uıymdary úshin mindetti mektep formasyna qoıylatyn talaptardy bekitý jónindegi ókilettikter bar. Mınıstrdiń tıisti buıryǵy zańsyz dep tanylmaǵan jáne kúshi joıylmaǵan. Sondaı-aq, ata-analar mektep jarǵysy men mektep formasyna qoıylatyn talaptardy saqtaý mindetine jaýapty ekenin atap ótemiz. Bul rette ata-analardyń balalardy tárbıeleý men bilim berý, olardyń quqyqtary men múddelerin qorǵaý jónindegi ózderine alǵan jáne zańda belgilengen, onyń ishinde Ákimshilik quqyq buzýshylyq týraly kodekste kózdelgen mindetterdi oryndamaýy jaýaptylyqqa ákep soǵady" delingen Joǵarǵy sot habarlamasynda.
