Stepnogorskte jolǧa qonǧan ūşaqqa qatysty derekter belgılı boldy (VİDEO)

1320
Adyrna.kz Telegram
https://adyrna.kz/content/uploads/2024/09/whatsapp-image-2024-09-25-at-21.28.23.jpeg
Aqmola oblysynyŋ tūrǧyny tasjolǧa şaǧyn ūşaq qonǧanyn videoǧa tüsırıp alǧan. Keiınnen ūşaqtyŋ nege jol boiyna tūraqtaǧany anyqtaldy, dep habarlaidy "Adyrna" ūlttyq portaly.
Jelıde taraǧan videoda Stepnogorskıde, saiajaiǧa bara jatqan jolda ūşaqtyŋ qonǧany körsetılgen.
"Ūşaq däl jolǧa qondy. Qarama-qarsy kölıkter bolmaǧany jaqsy boldy", - dedı videoǧa tüsırıp tūrǧan adam.
Ūşaqtyŋ jol boiyna ne sebeptı qonǧany keiınnen tüsındırıldı. Äuesqoi-ūşqyş Stepnogorsk qalasynyŋ maŋynda tas jolǧa kütpegen jerden qonǧan.
«10 qyrküiekte äuesqoi ūşqyş jalpy aviasiianyŋ TL-2000 jeŋıl äue kemesımen ūşyp bara jatyp, Stepnogorsk qalasynyŋ maŋyndaǧy az qoldanylatyn avtojoldyŋ uchaskesıne qondy», – dep habarlady azamattyq aviasiia komitetı (AAK) KazTAG-tyŋ saualyna jauap retınde.
Komitettıŋ aituynşa, jolǧa qonu äreketı ylǧaldy topyraqty alaŋǧa qonu mümkın bolmaǧandyqtan jasalǧan. Qysqa uaqyttan keiın äue kemesı bazalyq aerodromǧa qaita oralǧan. Būl ärekette pilottyŋ äueden taŋdalǧan alaŋdarǧa qonuǧa qajettı daiyndyq deŋgeiınıŋ bolmauyna qatysty zaŋ būzuşylyq belgılerı bar ekenı atap ötıldı.
"Osy oqiǧanyŋ barlyq jaǧdailaryn mūqiiat zerttegennen keiın, «Qazaqstannyŋ aviasiialyq äkımşılıgı» AQ men azamattyq aviasiia komitetı jalpy aviasiianyŋ būl paidalanuşysyn zaŋnamada közdelgen jauapkerşılıkke tartu şaralaryn qabyldaityn bolady", - delıngen resmi derekközde.
Memlekettık organnyŋ jauabyna qaraǧanda, būl apatty qonu bolmaǧan, tıptı ūşaq 20 minuttan keiın ūşyp ketken. Öz kezegınde kölık prokuraturasy men kölık polisiiasynyŋ departamentı būl oqiǧaǧa qatysty pilottyŋ jauapqa tartylatyndyǧy turaly naqty jauap bermedı.  
Pıkırler