Aqmola öŋırı jatyr moiny obyrynyŋ negızgı qozdyrǧyşy – adam papillomavirusyna qarsy vaksinanyŋ alǧaşqy partiialary kelıp tüsken eldıŋ segız oblysynyŋ qataryna kırdı.
Aqmola oblysynyŋ sanitarlyq-epidemiologiialyq baqylau departamentınıŋ basşysy Ainagül Musinanyŋ aituynşa, immundaudan keiın kerı äserı tırkelgen joq.
«Adam papillomavirusyna qarsy vaksinasiia Qazaqstan Respublikasynyŋ Ūlttyq egu küntızbesıne engızıldı. Vaksina 11 jastaǧy qyzdarǧa salynady, alty ailyq aralyqpen prosedura qaitalanady. Aqmola oblysynda nauqan är audanda bastaldy, tört valenttı «Gardasil» vaksinasynyŋ bırınşı partiiasy alyndy. Barlyǧy 6 myŋnan astam doza, keiıngı jetkızu kestesı bekıtıldı. On tört jasar qyzdardy qamtityn vaksinasiia jürgızu mäselesı qarastyryluda», - dedı Ainagül Musina.Ata-analar vaksinasiiaǧa tüsınıstıkpen qarauda. Vaksinasiia aldynda, kez kelgen basqa egu aldyndaǧy siiaqty, yqtimal qarsy körsetılımderdı anyqtau üşın därıgerlık tekseru jürgızıledı. Osydan keiın ǧana vaksina engızıledı. Jalpy, älemnıŋ köptegen elderınde adam papillomavirusyna qarsy vaksinasiia 2007 jyldan bastap, dälırek aitsaq, 130-dan astam memlekette engızıldı. Mysaly, Europada qyzdar ǧana emes, ūldar da vaksinasiialanady.
«2013 jyly Qazaqstanda 7 myŋǧa juyq qyz egıldı. Bırde bır kerı äserı tırkelmedı. Reproduktivtı jüienıŋ būzyluyna qatysty alaŋdauşylyq negızsız. On bır jyl būryn egılgen qyzdar ösıp, tūrmysqa şyqty, balalary bar. Bız ata-analarmen, pedagogtarmen tüsındıru jūmystaryn jürgızıp jatyrmyz. Ata-analar balalaryn osy qauıptı aurudan osylai ǧana qorǧauǧa bolatyndyǧyn tüsınedı. Jatyr moiny obyry äielderdegı onkologiialyq aurular arasynda ekınşı orynda. Ötken jyly Aqmola oblysynda 136 jaŋa jaǧdai anyqtaldy. Sondyqtan, adam papillomavirusyna qarsy ekpe alu qajet ekenı aitpasa da tüsınıktı», - dep tolyqtyrdy Aqmola oblysynyŋ bas sanitarlyq därıgerı.Vaksinasiia jäne immunoprofilaktika boiynşa barlyq qajettı aqparatty egu.kz saittynan, äleumettık jelılerdegı sanitarlyq-epidemiologiialyq baqylau departamentınıŋ resmi paraqşasynan aluǧa bolady. Sondai-aq departamenttıŋ saitynda «Sūraq-jauap» aidary bar, onda mamandar vaksinasiiaǧa qatysty kez kelgen sūraqqa jauap beredı.
