Úkimet basshysynyń orynbasary Qanat Bozymbaev jýrnalısterge ósek tyńdamaýǵa keńes berdi, dep habarlaıdy “Adyrna” ulttyq portaly.
Jýrnalıstiń “Buǵan deıin siz premer-mınıstr bolady degen áńgime kóp aıtyldy. Buǵan ózińiz ne aıtasyz?” degen suraǵyna Qanat Aldabergenuly “Men sizge keńes bereıin. Tańerteń tósekten turǵanda ósek tyńdamańyz” dep jaýap berdi.
Aıta ketsek, Qanat Bozymbaev sý tasqynynan keıin premer-mınıstrdiń orynbasary laýazymyna taǵaıyndalyp, tasqynnyń saldaryn joıýǵa jaýapty adam boldy.
Oljas Bektenov qyzmetinen ketedi degen sybys taraǵanda ınternette premer-mınıstrdiń kim bolatyny týraly boljamdy aqparattar jazyldy.
Internette taraǵan málimetke qaraǵanda, Oljas Bektenov prezıdent Toqaevqa qyzmetinen bosatyp, qaýipsizdik blogyndaǵy jumysyna qaıtarý týraly ótinishpen júgingennen keıin, onyń ornyna premer-mınıstrdiń orynbasarlary Roman Sklıar men Qanat Bozymbaevtyń bireýi bolatyny aıtylǵan.
Ásirese, memleket basshysynyń senimine ıe bolǵandyqtan, Bozymbaevtyń joǵarylaý múmkindigi joǵary ekeni de aıtylǵan. Oǵan qosa, ol sońǵy eki jylda qazaqstandyq iri bıznesmendermen qarym-qatynasqa qatysty birqatar tapsyrmalardy oryndaǵan edi. Bıylǵy sý tasqyny kezinde qazirgi qyzmetine taǵaıyndalǵan Bozymbaev bıliktegi belsendiligimen belgili bola bastaǵan.
