Sátbaev qalasynda balabaqsha býhgalteri óziniń qyzmet babyn paıdalana otyryp, asa iri kólemde ózine senip tapsyrylǵan bıýdjet qarajatyn urlaǵan. Bul týraly búgin, 23 qyrkúıekte Joǵarǵy sottyń baspasóz qyzmeti aıtty, dep habarlaıdy «Adyrna» tilshisi.
Ol 2021-2023 jyldary jalaqysyna koeffııentin jasandy túrde arttyryp, banktegi shotyna jalpy somasy 15 mıllıonnan astam teńge aýdarǵan. Sottalýshy bul qylmysqa qaryzyn óteý maqsatynda barǵanyn túsindirdi.
Áıeldiń kinási onyń moıyndaýymen, kýániń aıǵaqtarymen, saraptama qorytyndylarymen, tólem qujattarymen, sotta zerttelgen tergeý jáne jasyryn tergeý áreketteriniń hattamalarymen rastaldy.
«Shynaıy ókinýi, keltirilgen zııandy tolyq óteýi jáne asyraýynda úsh kámeletke tolmaǵan balanyń bolýy jaýapkershilikti jeńildetetin mán-jaılar dep tanyldy.
Sottalýshy Qylmystyq kodekstiń 189-babynyń 4-bóliginiń 2) tarmaǵymen kináli dep tanylyp, 7 jylǵa bas bostandyǵynan jáne 10 jylǵa memlekettik jáne kommerııalyq uıymdarda taýarlyq-materıaldyq qundylyqtarǵa bılik etýmen baılanysty laýazymdardy atqarý quqyǵynan aıyryldy. Qylmystyq kodekstiń 63-babyna súıene otyryp, probaııalyq baqylaý belgilenip, taǵaıyndalǵan jaza shartty dep esepteledi»,—delingen habarlamada.
