Qyrkúıektiń 19-y kúni «Eski Qazaqstan qurbandary» qozǵalysynyń belsendileri baspasóz máslıhatyn ótkizip, aktıvterdi óndirip alý úshin qoǵamdyq komıtet quratynyn málimdedi, dep habarlaıdy "Adyrna" ulttyq portaly Orda.kz-ke siltep.
Baspasóz máslıhatynda qoǵam belsendisi Jarqyn Kúrentaevtyń aıtýynsha, Bas prokýratýra janyndaǵy Aktıvterdi qaıtarý jónindegi komıtetke shaǵymdanatyn negizgi másele – onyń esepteri ekenin aıtty.
«Komıtet usynǵan esepterdiń tolyq emes ekenin jáne qupııalyq deńgeıine baılanysty eki ret tekserýge bolmaıtynyn kórip otyrmyz. Al bul qupııa sybaılas jemqorlyq táýekelderin týdyrady. Qoǵamnyń aktıvterdi qaıtarý týraly ótinishi bar ekenin eskere otyryp, biz ózimizdiń qoǵamdyq komıtetimizdi quryp jatyrmyz», - dep túsindirdi Kúrentaev.
Olar kelesi shema boıynsha jumys isteýdi josparlap otyr:
«Biz qazirdiń ózinde keıbir májilismenderden, negizinen bir mandatty depýtattardan qoldaý aldyq», - deıdi Jarqyn Kúrentaev.
Qoǵamdyq komıtet aı saıyn ózderi qaraǵan ister boıynsha atqarylǵan jumystar týraly esep berýdi josparlap otyr.
Depýtat Ermurat Bapı jelidegi paraqshasynda:
"Ártúrli shemamen elden jylystatylǵan aktıvterdi qaıtarý kampanııasyna sáıkes qoǵamdyq qozǵalys bastaldy! Memlekettik organdardyń jumysyna kóńili tolmaǵan azamattar QR Úkimeti janyndaǵy aktıvterdi qaıtarý komıssııasy (premer Oljas Bektenov) men QR Bas prokýratýrasynyń (Berik Asylov) Aktıvterdi qaıtarý komıtetine (Nurdaýlet Súıindikov) qoǵamdyq kómek kórsetpek nıette!" - dep jazdy.
