Erlan Qoşanovtyŋ töraǧalyǧymen Qazaqstan Halyq Keŋesı Töralqasynyŋ bırınşı otyrysy öttı. Kün tärtıbıne Memleket basşysy Keŋes Sessiiasynda belgılep bergen strategiialyq mındetter şyǧarylyp, olardyŋ ıske asyrylu joldary talqylandy. Sonymen qatar tūraqty komitetter men Ädep jönındegı komissiianyŋ qūramy bekıtıldı.
Otyrysty aşa otyryp, Erlan Qoşanov el Prezidentı Qasym-Jomart Toqaev Qazaqstan Halyq Keŋesınıŋ aldyna qoǧamdyq kelısım men bırlıktı nyǧaituǧa, azamattardyŋ memlekettık basqaruǧa qatysuyn keŋeituge, sondai-aq qoǧam men memleket arasyndaǧy dialogty nyǧaituǧa baǧyttalǧan memlekettık auqymdaǧy mındetter qoiǧanyn atap öttı. Atap aitylǧandai, azamattar men bilık arasyndaǧy qaşyqtyqty qysqartatyn jäne halyqtyŋ ünın anaǧūrlym salmaqty etetın jaŋa instituttyŋ tereŋ filosofiiasy däl osynda jatyr, sondai-aq Qazaqstan Halyq Keŋesı Prezidenttıŋ senım mandatyn naqty jūmyspen jäne naqty nätijelermen aqtauy tiıs ekenın qosty.
«Bügın bız Halyq Keŋesı Töralqasynyŋ alǧaşqy otyrysyn ötkızıp otyrmyz. Juyrda ǧana barşamyz el tarihyndaǧy eleulı oqiǧanyŋ kuäsı boldyq. Jaŋa konstitusiialyq institut öz jūmysyn bastady. Mūnyŋ artynda Memleket basşysynyŋ soŋǧy jyldardaǧy auqymdy, tabandy ärı eselı eŋbegı tūr. Prezidentımız Halyq Keŋesınıŋ aldyna maŋyzdy mındetter qoidy. Olar – bırlık pen qoǧamdyq kelısımdı nyǧaitu, azamattardyŋ memleket ısıne aralasu mümkındıgın keŋeitu, qoǧam men memlekettıŋ özara bailanysyn jaŋa beleske köteru. Halyq Keŋesınıŋ mänı de, tarihi missiiasy da osynda. El Prezidentı artqan osy zor senımge bız naqty ıspen, nätijelı jūmyspen jauap beruge tiıspız», – dedı Erlan Qoşanov.
Töralqa otyrysynyŋ barysynda üş negızgı komitettıŋ qūramy bekıtılıp, basşylary taǧaiyndaldy. Qoǧamdyq bastamalardy damytu komitetın Vera Kim, Qoǧamdyq kelısım jäne jalpyūlttyq bırlık baǧytyn Marat Äzılhanov basqarady. Al Öŋırlık damu jäne jergılıktı özın-özı basqaru komitetınıŋ jetekşısı bolyp Tabiǧat Zeinūlqabden taǧaiyndaldy.
Komitetterdıŋ qūramyn bekıtu jäne jetekşılerın taǧaiyndau Qazaqstan Halyq Keŋesınıŋ strategiialyq mındetterın jüielı, sapaly jäne tiımdı ıske asyrudy qamtamasyz etuge, sondai-aq konstitusiialyq konsultativtık organ qyzmetınıŋ asa maŋyzdy baǧyttary boiynşa saraptamalyq jūmysty küşeituge baǧyttalǧan.
Osyǧan bailanysty, komitetterdıŋ qyzmet erekşelıkterın eskere otyryp jäne ǧylymi-sarapşylyq qoǧamdastyqty tarta otyryp, aldaǧy kezeŋge arnalǧan negızgı mındetterdı ıske asyru töŋıregınde pıkır almasu öttı.
Negızgı nazar Bırlık pen kelısımnıŋ jaŋa tūjyrymdamasyna audaryldy. Halyq Keŋesınıŋ müşelerı būl jūmysqa belsendı türde aralasyp, etnomädeni bırlestıkterdı şoǧyrlandyruǧa yqpal etu siiaqty, būl ıske de özderınıŋ mazmūndy ülesterın qosu qajet degen ortaq pıkırge keldı.
Otyrysta öŋırlermen özara ıs-qimyldy keŋeitu, qoǧamdyq baqylaudy jüzege asyru, mäslihattar men qoǧamdyq keŋesterdı qoldau tetıkterı de talqylandy.
Öŋırlerdegı azamattardyŋ ūsynystarymen jūmys ısteu mäselesıne de airyqşa män berıldı. Qazaqstan Halyq Keŋesınıŋ müşesı Baǧdat Musin atap ötkendei, bastamalar legınıŋ artuy kütıletındıkten, olardy jüielı jinau, öŋdeu jäne monitoringıleu üşın bıryŋǧai aqparattyq platforma äzırleu ūsynylady. Būl jüie ärbır ötınıştıŋ qaralu barysyn jäne ol boiynşa qabyldanǧan şeşımderdı qadaǧalap otyruǧa mümkındık beredı. Sonymen qatar, atalǧan aqparattyq jüie Memleket basşysy belgılegen negızgı ideologiialyq baǧdarlardy ıske asyrudyŋ pärmendı qūraldarynyŋ bırıne ainalady.
Būdan bölek, azamattardyŋ memlekettı basqaruǧa tıkelei qatysuynyŋ jaŋa qūraldaryn qūru turaly söz boldy. Sarapşylardyŋ pıkırınşe, bügınde elde köptegen qoǧamdyq jäne konsultativtık-keŋesşı organdar jūmys ısteidı. Bıraq olardyŋ jūmysy jiı şaşyraŋqy bolyp keledı, al funksiialary bır-bırımen qaitalanady. Sondyqtan būl jerde Halyq Keŋesı öz rölın atqaruy tiıs: osy äleuettı bırıktırıp, özara ıs-qimyldy jolǧa qoiu jäne jūmysty jüieleu kerek. Mūndai täsıl jaŋa Konstitusiiaǧa säikes zamanaui syn-qaterlerge memleket pen azamattardyŋ bırlesken jauaptaryn äzırleudıŋ tiımdı alaŋyna ainala otyryp, dialogtyŋ jaŋa mädenietın qalyptastyruǧa baǧyttalǧan.
Organnyŋ jūmys tärtıbı zaŋnamamen jäne ışkı Erejemen reglamenttelgen, al onyŋ qūramy Halyq Keŋesı müşelerınıŋ arasynan jasaqtalady.
Aita keteiık, Töralqa qūramyna Qazaqstan Halyq Keŋesınıŋ basşylyǧymen jäne tūraqty komitetterdıŋ töraǧalarymen qatar Bekmūrat Jüsıpov, Narine Mikaelian, Denis Rypakov jäne Nūrtai Sabilianov kırdı.
