Qazaq ulttyq qyzdar pedagogıkalyq ýnıversıtetine memleket tarapynan jańa ǵımarat zańdy túrde paıdalanýǵa berildi. Bul týraly ýnıversıtet rektorynyń mindetin atqarýshy Erkin Dúsipov BAQ ókilderimen kezdesýde aıtty.
2024 jyldyń 18 qyrkúıeginde Qazaq ulttyq qyzdar pedagogıkalyq ýnıversıtetinde BAQ ókilderine arnalǵan baspasóz týry ótti. Jýrnalısterge joǵary oqý ornynyń ǵımaratynda týr ótkizilip, zerthanalar, murajaı, art galereıa tanystyryldy. Bas korpýstan keıin ýnıversıtettiń jańa korpýsyna týr jasaldy. 80 jyldyq tarıhy bar Qazaq ulttyq qyzdar pedagogıkalyq ýnıversıtetiniń 1986 jyldan beri alǵash ret Almaty qalasynyń ortalyǵynda oqý ǵımaratyna ıe boldy. Memleketten berilgen oqý ǵımaratynyń aýdany 12 000 sharshy metrden asady.
Baspasóz týry barysynda jýrnalısterge QyzPU rektorynyń mindetin atqarýshy Erkin Dúsipov oqý ornynyń jetistikteri men damý prespektıvalary týraly aqparat berdi. Prorektor qonaqtardy zamanaýı bilim berý alańdarymen, sondaı-aq ýnıversıtette bilim berý proesine engizilip jatqan zamanaýı ádistermen tanystyryp, alǵa qoıǵan josparlarmen bólisti.
«80 jyldyq mereıtoı qarsańynda Qazaq ulttyq qyzdar pedagogıkalyq ýnıversıtetine jańa oqý korpýsynyń berilýi QyzPU ujymy úshin tarıhı oqıǵa boldy. Jańa ǵımarat ýnıversıtetke shilde aıynan bastap zańdy túrde paıdalanýǵa berildi. Qazirgi tańda úshinshi, tórtinshi, altynshy qabattarda horeografııa, pedagogıka, psıhologııa, tarıh, qazaq tili men ádebıeti mamandyqtary boıynsha oqý júrip jatyr. Bolashaqta magıstranttar men doktornattardy da osy ǵımaratta oqytýdy josparlap otyrmyz. Bilim ordasynda jalpy sany 12005 stýdent bar. Bıyl 1 kýrsqa 5000-ǵa jýyq stýdentti qabyldadyq. Bilim alýshylarǵa jaǵdaı jasaý – bizdiń mindetimiz», – dedi prorektor.
Onyń aıtýynsha, aldaǵy ýaqytta jańa ǵımaratqa taǵy da zamanaýı qural-jabdyqtar alynady.
