Batys Qazaqstan oblysynda «Qaladan Aýylǵa» baǵdarlamasy júzege asýda. Baǵdarlama Memleket basshysynyń aýyldyq aýmaqtardy damytýdyń 2023-2027 jyldarǵa arnalǵan tujyrymdamasy aıasynda iske qosylǵan.
Jobanyń maqsaty –qara shańyraqtyń tútinin qaıta jańǵyrtý, aýyldarymyzdy ıesiz qaldyrmaý jáne aýyldy gúldendirý.
2024 jyldyń basynan beri BQO-nyń aýyldaryna «Qaladan aýylǵa» baǵdarlamasy boıynsha 66 otbasy, ıaǵnı 322 adam kóship kelgen.
Aýylǵa kelgen turǵyndar baspanaly bolyp, jumyspen qamtylýda. Aıat Sısenov esimdi azamat birtalaı jyl Almatyda páter jaldap turǵan. Tabysynyń bári páterinen aspaıtyn. Endi ol Kaztalov aýdany Jańatań aýylyna Qaladan aýylǵa baǵdarlamasy arqyly kóship, turǵyn úımen qamtamasyz etildi. Jumysqa da ornalasty.
«Qaladan aýylǵa» baǵdarlamasy úshin alǵys aıtamyz. Qalada júrgenimizde jumys birde taba almaı qıyndyq kórdik. Endi mine osy Qaladan aýylǵa baǵdarlamasynyń arqasynda aýylǵa qonys aýdaryp, úıli boldyq.. Prezıdentke raqmet, halyqqa osyndaı jaǵdaı jasap jatqanyna»-dedi ol.
BQO ákimi Narıman Tóreǵalıev «Qaladan aýylǵa» baǵdarlamasy arqyly aýylǵa kóship baramyn degen azamattarǵa memleket tarapynan qoldaý sharalary jalǵasatynyn aıtty.
2024 jyly aýyldarda úı kezeginde turǵan azamattarǵa salynyp jatqan 758 úıdiń 312-si tabystaldy. Qalǵan úıler jyl sońyna deıin beriledi.
