Mäjılıs deputaty Nartai Aralbaiūly Qorǧanys ministrı Ruslan Jaqsylyqovqa äskerdegı qazırgı jaǧdaiǧa qatysty saual joldady, - dep habarlaidy "Adyrna" ūlttyq portaly.
Deputattyŋ aituynşa, keiıngı üş jylda Qazaqstanda 270 äskeri qyzmetker qaitys bolǧan, al soŋǧy tört jylda äskerde 86 suisid tırkelgen, 20 äskeri adam öz-özıne qol saluǧa oqtalǧan.
"Būl – äskeri prokuratura mälımdegen resmi san. 2023 jylǧy tamyzda äskeri bölımşelerdıŋ bırınde komandir äskerge jaŋadan kelgen sarbazdy oryndyqpen ūryp, soqqyǧa jyqqan. Arty nemen bıttı deisız ǧoi, ıs taraptardyŋ bıtımge keluımen jabylyp qalǧan. 2024 jyldyŋ mausym aiynda Jambyl oblysynyŋ bır äskeri bölımşesınde äskerge kelgenıne 1-aq ai bolǧan sarbaz es-tüssız jansaqtau bölımıne tüsken" deidı deputat.
Sonymen qatar, ol bes ai boiy komada jatqan sarbaz Erbaian Mūhtardyŋ jaǧdaiyn da atai kettı:
"Al taiauda oryn alǧan jaǧdai bükıl otandasymyzdyŋ aşu-yzasyn tuǧyzdy. Ūlttyq ūlannyŋ jauyngerı Erbaian Mūhtar basynan alǧan jaraqattan bes ai boiy es-tüssız jatyr. Jauaptylar «Erbaian därethanaǧa qūlap, jaraqattandy» deidı. Būǧan kım senedı? Jaraqattyŋ saldarynan sarbazdyŋ basynyŋ jartysyn alyp tastauǧa tura kelgen. Endı oǧan tūraqty kütım qajet. Qazır ata-anasy Erbaiandy şetelge emge äketuge qam jasauda" dep qosty ol.
Sondai-aq, Särsenǧaliev äskeri bölımderde ornatylǧan kameralarǧa qatysty talap qoidy.
"Byltyr Qorǧanys ministrlıgı äskeri bölımderde 50 myŋnan astam beinekamera bar dedı. Ondaǧy jazbalar qaida? Älde Erbaian sekıldı bauyrlarymyz jaraqat alǧanda älgı kameralar terıs qarap qaldy ma? Äskerdegı älımjettık mäselesın "AMANAT" partiiasy 2022 jyly kötergen bolatyn. Alaida jaǧdai tüzelmek tügılı, uşyǧyp kettı dese de bolady. Sarbazdardyŋ armiiada jaraqat alyp, qaitys boluy toqtar emes. Osy tūsta taǧy bır tüitkıl bar, äskeri qyzmetkerlerdıŋ äleumettık jaǧdaiy tömen. Olardyŋ ailyǧy şailyǧyna jetpeidı, sebebı soŋǧy ret äskerilerdıŋ jalaqysy 2008 jyly ǧana köterılgen. Uaǧynda berılgen äleumettık qoldau şaralarynyŋ bırazynan şet qalǧan. Būl - jaǧdaidy tüzetu kezek küttırmeitın mäsele", - deidı ol.
Deputat osylardy atai kele bırneşe ūsynys bıldırdı.
"Joǧaryda aitylǧan jaǧdailardy eskerıp Sızden kelesı şaralardy qolǧa aludy ūsynamyn. Elımızdıŋ armiiasyndaǧy atalǧan keleŋsızdıktı tyiu jäne aldyn alu boiynşa naqty şaralardy qabyldaudy, äskerilerdıŋ äleumettık jaǧdaiyn jaqsartuǧa baǧyttalǧan jobalady qolǧa alyp, olardyŋ ıske asuyn jedeldetudı ūsynamyn" dedı deputat.
Ūqsas jaŋalyqtar
