Memleket basshysy Qasym-Jomart Toqaevtyń shaqyrýymen Germanııanyń federaldy kanleri Olaf Shol Qazaqstanǵa resmı saparmen keldi. Bul týraly búgin, 16 qyrkúıekte Aqordanyń baspasóz qyzmeti jazdy, dep habarlaıdy «Adyrna» tilshisi
Qasym-Jomart Toqaev Olaf Sholke rızashylyǵyn bildirdi.
«Germanııa úkimetiniń basshysy sońǵy 14 jylda elimizge alǵash ret saparmen kelip otyr. Sondyqtan bul qadamyńyzdyń tarıhı máni zor. Ekijaqty yntymaqtastyqty damytýǵa jáne taýar aınalymynyń kólemin ulǵaıtýǵa tyń serpin beremiz dep senemin. Germanııa – bizdiń Eýropadaǵy, tipti jahandaǵy negizgi seriktesimiz. Bul – óte mańyzdy. Biz qarqyndy damyp kele jatqan kópqyrly yqpaldastyǵymyzǵa basa mán beremiz. Ózara baılanystarymyzdy odan ári tereńdetýge jáne nyǵaıtýǵa barlyq jaǵdaıdy jasaımyz, – dedi ol.
Germanııa kanleri Olaf Shol qonaqjaılyq tanytqany úshin Qazaqstan prezıdentine alǵys aıtyp, qazaq-german qarym-qatynastaryn órkendetýdiń mańyzdy ekenin jetkizdi.
– Elińizge saparmen kelýge shaqyrǵanyńyzǵa, ekijaqty baılanystardy talqylaýǵa jáne yntymaqtastyǵymyzdy ilgeriletýge múmkindik jasaǵanyńyzǵa rızashylyǵymdy bildiremin. Menimen birge isker toptardyń beldi ókilderi keldi, – dedi federaldyq kanler.
Áńgimelesý barysynda eki eldiń saıası, saýda-ekonomıkalyq, mádenı-gýmanıtarlyq baılanystaryn nyǵaıtý máselesi talqylandy. Atap aıtqanda, energetıka, «jasyl» transformaııa, ónerkásip, taý-ken óndirisi, kólik-logıstıka, klımattyń ózgerýi, ekologııa, aýyl sharýashylyǵy jáne bilim berý salalaryndaǵy yqpaldastyqqa aıryqsha mán berildi.
