İslam revoliusiiasy Saqşylar korpusynyŋ aeroǧaryş küşterı orbitaǧa jaŋa zertteu sputnigınıŋ ūşyrylǧanyn mälımdedı, dep habarlaidy “Adyrna” ūlttyq portaly Euronews-ke sıltep.
Aqparatqa säikes, Batys İrannyŋ ballistikalyq zymyrandardy ūşyru üşın de paidalanyluy mümkın tehnologiiany damytyp jatqanyna alaŋdaidy.
İran İslam revoliusiiasy Saqşylar korpusynyŋ aeroǧaryş küşterı jasaǧan Gaem-100 zymyran tasyǧyşyn paidalanyp, Chamran-1 atty jaŋa zertteu jerserıgın orbitaǧa sättı ūşyrǧanyn habarlady. Būl bır jyl ışındegı ekınşı sättı ūşyru.
Tegeran özınıŋ ǧaryştyq baǧdarlamasyn beibıt maqsatty jäne BŪŪ Qauıpsızdık Keŋesınıŋ qararlaryna säikes dep mälımdep, ūzaq jyldar boiy damytyp keledı.
Degenmen, batys elderı sputniktık ūşyru jüielerı iadrolyq oqtūmsyqty jetkızuge qabılettı ballistikalyq zymyrandardy jasaudan alynǧan tehnologiiany paidalanady dep qorqady.
Alaida, Tegeran būl aiyptaulardy jäne iadrolyq qaruǧa ie bolǧysy keletının joqqa şyǧarady.
Aita ketsek, İrannyŋ zymyran baǧdarlamasyna qatysty BŪŪ sanksiialarynyŋ merzımı ötken jyldyŋ qazan aiynda aiaqtaldy.
Aǧymdaǧy ūşyru Taiau Şyǧystaǧy soǧystyŋ küşeiuınen qauıptenu, sondai-aq EO men AQŞ-tyŋ “İran Reseige Ukrainaǧa qarsy soǧys jürgızu üşın ūşqyşsyz ūşaqtardy ǧana emes, qysqa qaşyqtyqtaǧy zymyrandardy da jetkızedı” degen aiyptauy halyqaralyq şielenıstıŋ kezektı raundymen säikes keledı.
Ötken aptada Vladimir Putin Sankt-Peterburgte İrannyŋ Ūlttyq joǧary qauıpsızdık keŋesınıŋ hatşysymen kelıssözder jürgızdı.
Putin İrannyŋ jaŋa prezidentınıŋ «Resei men İran arasyndaǧy strategiialyq serıktestıkke qol jetkızudı nyǧaituǧa baǧyttalǧan jaŋa ırı memleketaralyq kelısımge» qol qoia alatyn resmi saparyn kütıp otyrǧanyn aitty.
«Bız Reseimen yntymaqtastyq jaŋa prezident komandasy üşın basymdyq bolyp qala beretının baǧalaimyz», - dedı Kreml basşysy.
Ol osy jyldyŋ mamyr aiynda ūşaq apatynan qaitys bolǧan prezident Raisidıŋ ornyna kelgen Masud Pezeşkian BRİKS sammitıne şaqyrtylǧan. Kezdesu Qazan qalasynda 22-24 qazanda ötedı.
