JYR JAZSAM DEP EM

1953
Adyrna.kz Telegram

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik poezııa» atalymy boıynsha Qumarbek Nurken Eskermesuly.

Avtor: Qumarbek Nurken Eskermesuly

 Baılanys telefony: 87786751258

 

Jyr jazsam deımin, oqıtyn jurtym tamsanyp,
Jyr jazsam deımin, saıraıtyn qustar án salyp.
Jyr jazsam deımin, ishine bárin syıdyryp,
Aqyndar dese turatyn halyq qarsy alyp.

Jyr jazsam deımin, halqymnyń muńyn muńdaıtyn,
Jyr jazsam deımin, uıqyny túnnen urlaıtyn.
Oqysa jyrdy, han túgil, qarań quldaryń,
Ishinen tynyp, tebirenbeı bir sát turmaıtyn.

Jyr jazsam deımin, júrektiń tilin jetkizer,
Jyr jazsam deımin, sezimniń dámin jetkizer.
Qos ǵashyqtyń da qosylýyna sebep bop,
Mahabbat deıtin tylsym kópirden ótkizer.

Jyr jazsam deımin, armandar oryndalardaı,
Hannyń ózi kep, qulynyń qolyn alardaı.
Úmiti sóngen pende de bir sát oıansa,
Jalǵan ómirde, álide joly bolardaı.

Jyr jazsam deımin, aqyndardan múlde bólekshe,
Jyr jazsam deımin, syrly qalamymmen erekshe.
Ózekti jyrdy jazýym kerek tolassyz,
Qıyrda qalyp qalmaýy kerek jyrlarym múlde bólekte.

Jyr jazsam deımin, júrektiń syryn terbeter,
Jyr jazsam deımin, oqyǵan adam selt eter.
Aqıyqtardan qalǵan iz bolyp artynda,
Muzdaǵan jandy jylytyp tipti terleter.

Jyr jazsam deımin, Abaıdaı quran sózimen,
Musylman pende tańǵalyp qarar kózimen.
Qara sózindeı mura bop qalsa jyrlarym,
Alla aldynda kálımamdy aıtyp kóz ilem.

Jyrlar jazamyn kómkerip qara óleńmen,
Jyrym aıtylsa qara qazaǵym bógelgen.
Ǵasyrlardan, ǵasyrǵa jetip jyrlarym,
Bolashaq urpaq ǵajaıyp kúıge bólengen.

Týlaıdy jyrym keýdemde meniń órt bolyp,
Janartaýdaıyn atqylap óleń ot bolyp.
Janǵan keýdemde sónbeýi kerek jyrlarym,
Óshpeýi kerek, sónbeýi kerek shoq bolyp.

Jyr jazsam dep em,
Kúńirengen aspan kúńiresin.
Jylarsyń bálkim, óziń bil múmkin kúlersiń,
Áıteýir bir kún bolary anyq uly elim,
Asaý jyrymnyń aldynda tize búgersiń.

Jyr jazsam deımin, toqtamaı kúni - túnimen,
Syrlasyp baqta, qyzyldy-jasyl gúlimen.
Jyr jazsam deımin, nár alyp Muqaǵalıdan,
Shabytym shalqyp, bulbuldyń syrly únimen.
Jyr jazǵym keledi, ǵasyrlar aıtyp óterdeı,
Osy ǵalamnan basqa ǵalamǵa jeterdeı.
Jyr jazam áli damylsyz jyrlap toqtaýsyz ,
Uly aqyn bolyp osy ǵalamnan keterdeı!

Pikirler