Astana qalasynda Qazbilim ulttyq lıeıiniń toǵyzynshy mektebiniń tusaýkeseri ótti. Ulttyq mekteptiń ashylýyna Májilis depýtattary men astanalyq zııaly qaýym ókilderi qatysty. Jıynda aıtýly aıtysker Rústem Qaıyrtaıuly óziniń júrekjardy arnaýyn aıtsa, Shaharızat Seıdahmet ánnen shashý shashty.
Saltanatty sharaǵa QR Májilis depýtattary – Áshimjan Janarbek, Ashat Aımaǵambetov, Samat Nurtaza, Joǵary bilim jáne ǵylym mınıstriniń keńesshisi – Rýslan Emelbaev, Astana qalasy ákim apparat basshysynyń orynbasary – Jomart Aıtqazy, belgili aıtyskerler – Serikzat Dúısenǵazy, ánshi Shaharızat, tilshiler men blogerler – Erkin Qambaruly, Órken Kenjebek jáne t.b. elge belgili, ultqa janashyr azamattary qatysyp, tilektestigin bildirdi.
Almaty, Shymkent, Qyzylorda, Qaraǵandy, Aqtaý, Qostanaı, Atyraý qalalarynan ashylǵan ulttyq lıeıleri bıyl Astanada jalǵasyn taýyp, boı kóterdi. Oqýshyǵa ári sapaly bilim, ári ulttyq tárbıe beretin ordanyń ashylǵany elordalyqtar úshin jaqsy jańalyq boldy.
Janarbek Áshimjan Aıatjan Ahmetjanuly ashqan ulttyq mekteptiń ult bolashaǵy úshin mańyzy zor ekenin aıtyp, oqýshylarǵa lıeıde sapaly bilim alýǵa shaqyrdy. Al QR Parlament Májilisiniń Áleýmettik-mádenı damý komıtetiniń tóraǵasy Ashat Aımaǵambetov bolsa, ulttyq mektepti ashýdyń ońaı bolmaǵanyn eskertti.
«Aıatjan Ahmetjanǵa jekemenshik ulttyq mektep ashý ońaı bolǵan joq. Ony facebook áleýmettik jelisinen kórip otyrǵan shyǵarsyzdar. Biraq bul máseleniń shet jaǵasy ǵana, aıta bersek, mektep ashýdyń áńgimesi kóp. Qazirgi ýaqytta mektep ashý ońaı sharýa emes. Biraq aýyr qıyndyqtarǵa moıymaı, birneshe óńirde Aıatjan Ahmetjanuly ulttyq mektepti ashyp otyr.
Búgin Astananyń tórinde «Qazbilim» ulttyq lıeıin ashyp otyr. Biz Aıatjan Ahmetjanulynyń bilim salasynda úlken eńbek etip júrgenin jaqsy bilemiz. Bir sózben aıtqanda ol júregi qazaq dep soqqan azamat. Qazaqtyń ulttyq qundylyqtaryn balalarǵa sińiremin dep ulttyq mektep ashyp jatyr. Bul tek Aıatjannyń qýanyshy emes, barlyǵymyzdyń qaýanyshymyz dep bilemin», – dedi ol.
«QAZBILIM GROUP» kompanııasy basqarma tóraǵasy Aıatjan Ahmetjanulynyń aıtýynsha, ulttyq lıeı taza qazaq tilinde tereńdete bilim beredi.
«Oqýshylarǵa sapaly bilim berýmen qatar jan-jaqty qalyptasýy úshin ulttyq tárbıe; Birtutas QAZBILIM avtorlyq metodıkasy; Pándik olımpıadaǵa baǵdarly daıyndyq; UBT-ǵa keshendi daıyndyq; Qazaqstandyq jáne sheteldik úzdik ýnıversıtetterge túsýge baǵyt-baǵdar jáne kepildik; IELTS-qa daıyndyq; Qarjylyq saýattylyq; Dombyra, jetigen, t.b. ulttyq aspaptar úıirmesi; Sport úıirmesi; Shahmat, toǵyzqumalaq, t.b. ıntellektýaldy oıyndar arqyly ártúrli sharalar uıymdastyryp, bilimdi tek teorııa júzinde ǵana emes, tájirıbemen ushtastyrýǵa kóbirek mán beriledi.
Astanadaǵy lıeı 700 oqýshyǵa arnalǵan. Jańa kompıýterlik tehnıkamen, ınteraktıvti elektrondy taqtalarmen, mýltımedııalyq jáne STEM kabınetterimen jabdyqtalǵan. Jeke kitaphanasy bar. Balalar úshin barlyq jaǵdaı jasalǵan. Olardyń demalatyn, tamaqtanatyn orny, sabaq oqıtyn kabınetteri talapqa saı jasaqtalǵan. Balalar toptyq júıe boıynsha oqytylady. Ustazdar joǵary, birinshi, ekinshi sanatty pedagogtar. Shetelde, Nazarbaev ýnıversıtetinde bilim alǵan mamandar qyzmetke tartylǵan. Oqýlyqtar jetkilikti», — deıdi «QAZBILIM GROUP» kompanııasy basqarma tóraǵasy Aıatjan Ahmetjanuly.
Osy kezge deıin oń myńnan astam daryndy shákirtke bilim berip, úlken jetistikterge qol jetkizgen Qazbilim – 8 qalada lıeı, 1 qalada bilim berý ortalyǵy bolyp, úlken bilim ordasyna aınalǵan irgeli ujym.
