"DREVNII RIMDEGI" QYLMYSTYQ IS NEGE SOZYLYP KETTI?

3050
Adyrna.kz Telegram

Qaraǵandyda «Drevnıı Rım» meıramhanasyndaǵy iske qatysty tergeý isi aıaqtaldy, dep habarlaıdy Novyı vestnık saıty. Rahymjan Janseıittiń qazasymen aıaqtalǵan qylmystyq is nege 8 aıǵa sozylyp ketti? Quzyrly organdar Reseıge qashyp ketken basty kúdikti Narek Gýrýrıandy nege elge ákele almaı otyr?
1 qańtar kúni Qaraǵandydaǵy "Drevnıı Rım" meıramhanasynda janjal bolyp, Rahymjan Baqytjanuly qaza tapqan bolatyn. Polıııa málimetinshe, kúdiktiler ishinde 14 adam bar, olardyń 13-i qamaýda bolsa, bireýi bosatylǵan. Sondaı-aq, basty kúdikti Narek Gýrýrıan Reseı elinde ustalyp, qazir ony elge ákelý jumystary júrip jatyr.
Qaraǵandydaǵy qazaq pen armıannyń arasyndaǵy janjal nege sozylyp ketti?  Bul suraqty belgili bloger ári osy ispen alǵashqy kúnnen beri aınalysyp júrgen Aısultan Jaqypqa qoıǵan bolatynbyz. Blogerdiń aıtýynsha, Qaraǵandydaǵy qylmystyq is baıaý júrip jatyr.
– Búgin oblystyq Ishki ister departamentiniń baspasóz qyzmeti tergeý aıaqtalyp, qylmystyq istiń 62 tom bolǵanyn habarlady. Qylmystyq is boıynsha 13 adam kúdikti retinde qamaýda otyrsa, bir kúdikti kepilmen bosatylǵan. Al eń basty kúdiktilerdiń biri Narek Gýrýrıandy áli Reseıden ákelgen joq. Qysta qandaı aqparat bilsek, odan artyq bizde mardymdy málimet joq. Rahymjannyń ákesi Baqytjan aǵamyzdyń ózi istiń mán-jaıyn tolyq bilmeıtinin aıtady. Baqytjan aǵaǵa quzyrly organ ókilderi «sot ashyq ári buqaralyq aqparat quraldarynyń qatysýymen ótedi» dep aıtypty. Biletin azamttar Narek Gýrýrıandy elge ákelý uzaq proes ekenin aıtyp jatyr. Biraq ony elge aldyrtý tym uzaqqa sozylyp ketken tárizdi. Al Rahymjannyń ákesi keıbir aqparattardy sottyń qupııalyǵyna baılanysty aıta almaımyn dep otyr, – deıdi Aısultan Jaqyp.
Aısultan Jaqyp sııaqty ózge de azamattar bul istiń sozylyp ketkenine alańdap otyr. Áıtse de, belgili quqyq qorǵaýshy Abzal Quspan asa aýyr ári toptalyp jasalǵan qylmystyń sozylýy qalypty jaǵdaı ekenin aıtady.
– Sebebi, qylmys óte kúrdeli. Onyń ústine basty kúdiktiniń biri Reseıge qashyp ketip qalǵan. Kúdiktini Reseıden elge ákelýdiń ózine bir jyldaı ýaqyt ketedi. Bul arada «bılik bul isti sozyp, halyqqa umyttyraıyn dep otyr» degen pikir orynsyz. Qylmystyq iste basty kúdikti qashyp ketse, onyń sozylyp ketýi qalypty jaǵdaı. Onyń ústine basqa bir memlekettiń kúdiktini bere qoıýýy óte qıyn. Sondyqtan da biz bul iste Mınsk konvenııasyn qoldanamyz. Atalǵan konvenııa boıynsha Reseı bizge kúdiktini berýge mindetti. Jalpy osyndaı kúrdeli istiń 8 aıǵa sozylýyna alańdaýdyń qajeti joq. Bir emes, birneshe adam toptalyp jasaǵan ári adam ólimimen aıaqtalǵan istiń sozylýy zańdy dúnıe. Kim óltirgenin anyqtaý úshin saraptama taǵaıyndaısyń. Ár bir saraptamany jasaý úshin kem degende 1-2 aı ýaqyt ketedi. Meni istiń sozylýy emes, kúdikti retinde ustalyp otyrǵan 14 adamnyń qaı ulttyń ókili ekeni qyzyqtyryp otyr. Bul iste negizgi sebepker armıan ultynyń ókilderi bolǵandyqtan qarapaıym adam retinde jergilikti azamattar zardap shekpese eken deımin, – deıdi advokat.
Qaraǵandy qalasyndaǵy qazaq pen armıannyń arasyndaǵy janjal elde rezonans týdyrǵan bolatyn. Oblys ákimi Erlan Qoshanov bul istiń ádil qaralatynyn aıtyp, kópshilikke ýáde bergeni belgili. Osyndaı daýdyń túıini qalaı sheshiletinin aldaǵy ýaqytta biletin bolamyz. Eń bastysy qylmystyq iske naqty kináliler jazalanyp, ádil sheshim shyǵady dep senemiz.

Serik JOLDASBAI

"Adyrna" ulttyq portaly

Pikirler