Jaqynda ǵana Pavlodar oblysy, Sharbaqty aýdany, Jylybulaq aýylyndaǵy Maraldy kólinde atys bolǵanyn jazǵan bolatynbyz. Jergilikti bes turǵyn jaralanǵan. Keýdelerin rezeńke oq tesken turǵyndar dárigerge qaralyp, polıııaǵa aryz jazǵan. Turǵyndarǵa qarý qoldanǵan sol kóldi kúzetken kúzet fırmasynyń qyzmetkerleri eken. Turǵyndardyń aıtýynsha, oqıǵa ornynda polıııalar da bolǵan. Biraq, eshkimdi tutqyndamaǵan. "Endi turǵyndardy atqandar da, turǵyndar da jaýapqa tartylatyn bolady" dedi Pavlodar oblystyq polıııa departamenti bastyǵynyń orynbasary Muratjan Shákerov.
"Jeke menshik kúzet mekemesine qatysty qylmystyq zańnyń 252-shi baby boıynsha qylmystyq is qozǵaldy. Iaǵnı, óz ókilettikterin asyra paıdalanyp, travmatıkalyq qarý qoldanǵandary úshin aıyptalady. Al, óz betinshe kúsh qoldanbaq bolǵan jergilikti turǵyndar 389 bap boıynsha jaýapqa tartylady" dedi polıııanyń orynbasary.
Maraldy kóli respýblıkadaǵy erekshe kólderdiń qatarynda. Tuzdy kóldiń batpaǵynyń ózi kóptegen mıneraldarǵa baı, emdik qasıetke ıe. Kóldegi artemııa salına dep atalatyn qurttyń qara bazardaǵy baǵasy óte qymbat. Jergilikti turǵyndar men ınvestorlardyń arasyndaǵy tóbeles pen qaqtyǵys osy qurtqa baılanysty bolyp tur. Bir qyzyǵy osy qurtty aýlaýǵa baılanysty eshkimge kvota berilmegen. Bul týraly Pavlodar oblystyq polıııa departamentiniń basshysy Amantaı Áýbákirov aıtty.Sonda kóldi kim kimnen kúzetip júr?
Atys bolatyn kúni kúndiz Jyly bulaq aýylynyń turǵynyn kóldegi kúzetshiler ustaıdy. Tuzdy kólden artemııa aýladyń dep. Turǵyn bolsa moıyndamaǵan. Sosyn, ony uryp-soǵyp, travmatıkalyq tapanshamen atqan. Artynan bosatyp, qoıa beredi. Keshke jaqyn kól basyna aýyl turǵyndary jınalady. Sol jerde aıqaı-shý bastalǵanymen, tóbeles bolmaıdy. Kúzetshiler bolsa bes jigitti atyp jaraqattaǵan.
Aýyl turǵyndary osy kólde qalaı ınvestorlar paıda boldy, sodan beri kól basynan aıqaı-shý ketpedi deıdi. Osydan eki apta buryn osy kólde aýyl turǵyndary men kúzetshiler arasynda úlken tóbeles bolyp, polıııanyń aralasýymen áreń basylǵan bolatyn. Búgin Pavlodarǵa, Maraldy kóline Nur-Sultannan Ishki ister mınıstrliginiń arnaıy ókili baryp, tekseris júrgizýde.
https://www.facebook.com/100008177013860/videos/2481589072123636/
https://www.facebook.com/100008177013860/videos/2481589642123579/
https://www.facebook.com/100008177013860/videos/2481590975456779/
"Adyrna" ulttyq portaly
