Qala ákimi Ǵabıt Syzdyqbekov pen «Alarko Holding» túrik kompanııasynyń prezıdenti Iyldyz Ýmıt Nýrı «Bozaryq» ındýstrııalyq aımaǵynda qyzanaq ósiretin iri jylyjaı kesheniniń qurylys alańyna kapsýla salý rásimine qatysty. Investıııalyq jobanyń quny 650 mıllıon AQSh dollaryn, onyń jalpy aýmaǵy 650 gektardy quraıdy.
Jylyjaı kesheni jylyna 155 myń tonna ónim óndirýge qaýqarly. Jobanyń birinshi kezeńi paıdalanýǵa berilgennen keıin 2 myńǵa jýyq jumys orny qurylyp, tolyq iske qosylǵanda 5 myńǵa jýyq adam jumyspen qamtylatyn bolady. Óndirilgen aýylsharýashylyq ónimderimen negizinen, qala turǵyndary qamtylyp, taýarlar elimizdiń ózge de aımaqtary men shet memleketterge jóneltiletin bolady.
Qala ákimi Memleket basshysy Qasym-Jomart Toqaevtyń ınvestıııa tartý jáne ósimdik sharýashylyǵynda sýdy únemdeıtin ozyq tehnologııalardy engizip, damytý tapsyrmasyn iske asyrý barysynda bul jobanyń róli zor ekenine toqtaldy. Ákimdik aýqymdy jobalardy júzege asyryp jatqan ınvestorlarǵa jan-jaqty qoldaý kórsetýge qashan da daıyn.
«Jobany júzege asyrý megapolıstiń azyq-túlik qaýipsizdigin qamtamasyz etip, aýyl sharýashylyǵynyń turaqty damýyna jáne baǵanyń turaqtalýyna yqpal etedi», - dedi qala ákimi.
Kompanııa qurylys ýaqytyn qysqartý maqsatynda Shymkentte jylyjaı salýǵa arnalǵan konstrýkııalardy shyǵaratyn zaýyt ashýdy kózdep otyr. Sonymen qatar, joba aıasynda halyqaralyq standart boıynsha aýyl sharýashylyǵy mamandaryn daıyndaıtyn mamandandyrylǵan akademııa ashý josparlanýda. Aýqymdy jobany júzege asyrý jylyjaı sharýashylyǵyn damytýǵa ǵana emes, azyq-túlik qaýipsizdigin qamtamasyz etýge, jańa óndiristerdi engizýge jáne jańa jumys oryndaryn ashýǵa yqpal etedi.
