Berdibek Saparbaev aqpan aıynan bastap Eńbek jáne halyqty áleýmettik qorǵaý mınıstri qyzmetin atqarǵan bolatyn
Berdibek Saparbaev premer-mınıstrdiń orynbasary qyzmetine taǵaıyndaldy, dep habarlaıdy Aqorda.
"Berdibek Mashbekuly Saparbaev Qazaqstan Respýblıkasy premer-mınıstriniń orynbasary bolyp taǵaıyndalsyn, ol Eńbek jáne halyqty áleýmettik qorǵaý mınıstri qyzmetinen bosatylsyn", - dep jazylǵan Toqaevtyń jarlyǵynda.
Buǵan deıin vıe-premer qyzmetin Gúlshara Ábdiqalyqova atqarǵan bolatyn. Ol depýtat mandatyn aldy.
Premer-mınıstrdiń birinshi orynbasary - qarjy mınıstri Álıhan Smaıylov. Úkimet basshysynyń taǵy bir orynbasary - Jeńis Qasymbek.
Berdibek Saparbaev týraly ne bilemiz?
Berdibek Saparbaev Eńbek jáne halyqty áleýmettik qorǵaý mınıstri qyzmetin atqardy. Buǵan deıin Aqtóbe oblysynyń ákimi boldy.
Túrli jyldary mınıstrler kabıneti apparatynyń jetekshisi, Qyzylorda, Ońtústik Qazaqstan oblystarynyń ákimi, kedendik baqylaý agenttiginiń tóraǵasy, qarjy mınıstriniń orynbasary qyzmetin atqardy.
2009 jyldyń 4 naýryzynan bastap 2014 jyldyń 11 qarashasy aralyǵynda Shyǵys Qazaqstan oblysynyń ákimi boldy. 2014 jyldyń qarasha aıynan bastap premer-mınıstrdiń orynbasary boldy.
"Adyrna" ulttyq portaly
