Jambyl oblysynda 1 synypqa 13 512 bala elektrondy túrde tirkeldi, dep habarlaıdy adyrna.kz ulttyq portaly. Bul týraly Óńirlik kommýnıkaııalar qyzmetinde ótken baspasóz konferenııasynda bilim basqarmasynyń basshysy Rahııa Turmahanbetova málimdedi.
Rahııa Seıtbekqyzynyń aıtýynsha, oblysta balabaqshaǵa balalardy kezekke qoıý men joldama alý (edugarden.kz), mektepke 1synypqa qabyldaý (eduschool.kz) júıesi jolǵa qoıylǵan. Búgingi kúni mektepke 1 synypqa 13938 elektrondy ótinish berilip, 13512 bala qabyldandy. Mektepke deıingi bilim mekemelerine 10703 balaǵa elektrondy joldama berildi.
Atalmysh júıe ashyqtyqty qamtamasyz etedi. Sondaı-aq, ol tehnıkalyq jáne kásiptik bilim berý mekemelerine oqýǵa qabyldaý (zhambyltipo.kz) júıesi 100% avtomattandyrylǵanyn aıtty. Budan bólek basqarma basshysy jańa oqý jylynda birneshe mektep jańadan ashylatynyn tilge tıek etti.
– Bıylǵy jańa oqý jylynda 5 mektep paıdalanýǵa beriledi. Onyń bireýi úshaýysymdy, bireýi apatty jáne úsheýi oryn tapshylyǵy bar mekteptiń máselesin sheshedi. Qalǵan 3 apatty mektepke oblystyq bıýdjetten qarjy bólindi, qurylysy bıyl bastalady. Sondaı-aq, 7 mektepke kúrdeli jóndeý jumystary júrgizilip jatyr. Onyń 6-ýy jańa oqý jylynda aıaqtalady. Áıtse de, Shý aýdanyndaǵy M.Áýezov mektebiniń qurylysy qarashaǵa deıin jalǵasady. Oqý proesine kedergi keltirmeý sharalary qabyldanýda. Birde-bir bala oqýdan syrt qalmaıdy, – dedi basqarma basshysy.
Rahııa Seıtbekqyzynyń aıtýynsha, oblysta 25528 ustaz oqýshylarǵa zaman talabyna saı sanaly tárbıe men sapaly bilim berýde.
Jańartylǵan bilim berý mazmunyna kóshetin 4,9,10 synyptarǵa sabaq beretin 5311 jambyldyq pedagog jańa baǵdarlama aıasynda biliktilikti arttyrý kýrstarynan ótti. Ótken oqý jylynda jumysqa myńnan asa jas maman qabyldansa, búgingi kúni 360 jas mamandy jumysqa ornalastyrý jumystary júrgizilýde.
Budan bólek, basqarma basshysy oqýlyqtarǵa bólingen qarjynyń jetkilikti ekenin málimdedi. Iaǵnı, 1 qyrkúıekke deıin oqýlyqtar 100% mektepterge jetkiziledi. Bıyl «Jeńil portfel» jobasy aıasynda 1 qyrkúıekten bastap balalar men ata-analar úshin mınıstrlik saıtynda oqýlyqtardyń elektrondy nusqasy qol jetimdi jáne ony júktep alýǵa bolady.
Oblysta 442 mektep jumys isteıtin bolady. Boljam boıynsha bıyl 1 synypqa 28000-nan astam bala keledi dep kútilýde.
"Adyrna" ulttyq portaly
