«Birtutas tárbıe» baǵdarlamasyn júzege asyrý maqsatynda mektep jasyna deıingi balalardyń tanymdyq ári shyǵarmashylyq belsendiligin arttyrý quraly retinde, balalardyń tildik daǵdylaryn damytý, taqyryptyq talqylaý arqyly qundylyqtardy dáripteý maqsatynda Shortandy aýdany boıynsha bilim bóliminiń janyndaǵy Shortandy kentiniń «Baldáýren» balabaqshasynda «Mýltımagııa» jobasy engizildi.
Joba maqsaty: Balalardyń shyǵarmashylyǵyn damytý arqyly, ónertapqyshtyqqa qyzyǵýshylyǵyn arttyrý, jasampazdyq pen jańashyldyq, eńbekqorlyq, birlik pen yntymaqtastyq qundylyqtaryn bala boıyna darytý.
Mektepke deıingi jas – balanyń sóıleý tilin belsendi meńgerý, sóıleýdiń barlyq aspektileriniń qalyptasýy men damý (fonetıkalyq, leksıkalyq, grammatıkalyq) kezeńi. Bul shaqta ana tilin tolyq meńgerý damýdyń sezimtal kezeńinde balalardy psıhıkalyq, estetıkalyq jáne adamgershilik tárbıeleý mindetterin sheshýdiń qajetti sharty bolyp tabylady.
«Halyq aýyz ádebıetiniń úlgileri men ertegi keıipkerlerin saz balshyqtan músindeý balalardyń qol motorıkasyn damytady. Al keıipkerlerdi sóıletý arqyly balalardyń sózdik qoryn molaıtý, qazaqtyń ádebı kórkem tilinde sóıleýge daǵdylandyrý kózdeledi. Balalar mýltfılmderdi ázirleý barysynda shaǵyn mátinderdi jattaý, rólderdi somdaý arqyly belsendi qarym-qatynasqa túsip, birlesken qyzmet arqyly kishigirim máselelerdi sheshedi. Búginde balalar mýltfılmderdi ózderi de jasap úırenýde»,-dep aıtty balabaqsha meńgerýshisi Gýlbaný Mýkasheva.
Naqtylap aıtsaq, bilim berý úderisindegi mýltfılm - bul qazirgi vızýaldy jáne aqparattyq baı álemde balanyń damýynyń jańa ámbebap kóp qyrly tásili. Bul balalar men eresekterdiń birlesken is-áreketine negizdelgen ınnovaııalyq ádis.
Esterińizge sala keteıik, Aqmola oblysynda 597 mektepke deıingi uıym jumys isteıdi, onyń ishinde 260 balabaqsha.
