«Jaıly mektep» Ulttyq jobasy aıasynda 1 qyrkúıekte elınograd aýdanyna qarasty Talapker aýylynda mektep-gımnazııasy men IT-lıeıi oqýshylarǵa esikterin aıqara ashty. Jańa oqý jylynda 100-den astam pedagog 1800-ge jýyq oqýshyǵa sapaly bilim bermek.
Bilim oshaqtary 3 qabatty. Kabınetterdiń barlyǵy zamanaýı jabdyqtarmen jabdyqtalǵan. Sapaly bilim berý úshin munda barlyq jaǵdaı jan-jaqty jasalǵan.
Interaktıvti taqtalary bar pándik kabınetterden bólek, sheberhanalar men zerthanalar da bar. Balalardyń qaýipsizdigin qamtamasyz etý maqsatynda beınebaqylaý kameralary men dabyl túımeleri ornatylǵan.
Aqmola oblysynyń ákimi Marat Ahmetjanov mektep-gımnazııasynyń oqýshylaryn Bilim kúnimen quttyqtady.
«Elordaǵa irgeles jatqan elınograd aýdanynda halyqtyń kóshi-qonyna jáne demografııalyq ósýge baılanysty uzaq ýaqyt boıy oqýshy oryndarynyń tapshylyǵy baıqaldy. Prezıdent Qasym-Jomart Toqaev bastamashylyq etken «Jaıly mektep» jobasy mektepterdegi oryn tapshylyǵy máselesin sheshedi, oqýshylar men pedagogtar úshin qolaıly jaǵdaı jasaıdy jáne qala men aýyl mektepteri arasyndaǵy bilim berý sapasyndaǵy alshaqtyqty azaıtady. Óskeleń urpaqtyń úılesimdi jáne baqytty balalyq shaǵy - bizdiń jalpyulttyq mindetimiz. Sizderge sáttilik pen jarqyn jeńister tileımin!», - dedi oblys ákimi.
Mektepterdiń saltanatty ashylý sharasyna Densaýlyq saqtaý mınıstri Aqmaral Álnazarova men Parlament Májilisiniń depýtaty Ashat Aımaǵambetov te qatysyp, jınalǵan jurtshylyqty merekemen quttyqtady.
«Qazir bilim berý salasyna erekshe kóńil bólinýde. Bizdiń aýylda jańa mektepter salynyp jatqanyna kýá boldyq. Oqý bir aýysymda bolady, al túski astan keıin balalar úıirmeler men sport sekııalaryna qatysa alady», - dedi mektep-gımnazııasy ata-analar komıtetiniń tóraǵasy Quttybaı Baıǵabylov.
Aıta keteıik, jańa oqý jylynda óńirde 3 mektep el ıgiligine berildi. Onyń 2-ýi «Jaıly mektep» ulttyq jobasy aıasynda salyndy.
Sonymen qatar, jyl sońyna deıin taǵy 11 bilim berý mekemesi ashylady dep josparlanyp otyr. Onyń 7-ýi «Jaıly mektep» jobasy aıasynda boı kóterýde.
Óńirde 528 mektep bar. Onda 150 myńnan astam oqýshy bilim alady. Onyń ishinde 13 myńǵa jýyq birinshi synyp oqýshylary.
