9 qazan kúni Astanada 200-den asa oqýshynyń qatysýymen jappaı tóbeles boldy, dep habarlaıdy "Adyrna" tilshisi "Halyq únine" siltep.
Polıııa qyzmetkerleri tártip buzýshylardy túgel ustaǵanyn habarlady.
"Túnde Astananyń Ońtústik-Shyǵys aýdanynda 200-den asa oqýshy qatysqan jappaı tóbeles boldy. Kýágerlerdiń aıtýynsha, janjal qyzǵa baılanysty bastalǵan. Jasóspirimder aýdandy bólisip, tóbelesý úshin kezdesý uıymdastyrǵan. Aldymen bir top 6-7 jasóspirimge shabýyl jasady, biraq olarǵa tótep berý úshin odan da úlken top jınaldy", — delingen habarlamada.
Áleýmettik jelide taraǵan vıdeoda qolyna pyshaq ustaǵan bir bala «Pyshaqtaımyz búgin. Pyshaqtaımyz!» dep kúlgen. Onyń qasyndaǵy jasóspirimder balaǵat sózder aıtyp júr.
"Keshe túnde Astanada №86 jáne 51 mektep oqýshylary jáne stýdentterdiń qatysýymen aýyr tártipsizdik boldy. Bizdiń derekkózdiń habarlaýynsha, Chýgýnka jáne Qordaı ýchaskelerine jınalǵan 200-den asa jasóspirim kóshe kezip, ózge jasóspirimderge shabýyl jasap, soqqyǵa jyqqan. Olardyń keıbireýleri ashyq túrde pyshaq ustaǵan. 2005 jyly týǵan jasóspirim bastaǵan top qurbandarynan qaı aýdannan ekenderin suraǵan. Eger bireý «Ońtústik-Shyǵys» dep jaýap berse, ony birden uryp-soǵady. Jasóspirimder kóshe boıymen «reıd» jasap, «Jeruıyq» saıabaǵyna qaraı bet aldy. Bul oqıǵa tártipti qalpyna keltirý jáne odan ári janjaldardyń aldyn alý úshin quqyq qorǵaý organdarynyń shuǵyl aralasýyn talap etedi", – delingen «Astana Sergek» Instagram-daǵy paraqshasyndaǵy vıdeo sıpattamasynda.
Al Astana qalasy polıııa departamentiniń habarlaýynsha, «102» arnasyna úıdiń aýlasyna jastardyń jınalǵany týraly habarlama túsken.
"Patrýldik polıııa polkiniń oqıǵa ornyna ýaqtyly kelýi jasóspirimderdiń buzaqylyq áreketteriniń aldyn aldy. Olar jaǵdaıdy anyqtaý úshin polıııa bólimine jetkizildi. Jastardy jınaýdyń maqsaty bir-birimen qarym-qatynasty naqtylaý bolǵan. Olardyń arasynda kámeletke tolmaǵandar da bar. Qazir osy fakti boıynsha barlyq qatysýshy, sondaı-aq kámeletke tolmaǵandardyń zańdy ókilderi ákimshilik jaýapkershilikke tartyldy", — delingen qalalyq PD baspasóz qyzmetiniń málimetinde.
