2026 jylǧy 20 aqpanda Astana qalasyndaǧy №93 mektep-lisei bazasynda «Jasandy intellekt: daǧdy, baǧyt, bolaşaqqa baǧdar» atty respublikalyq seminar joǧary deŋgeide ūiymdastyrylyp, tabysty türde öttı. Auqymdy ıs-şara bılım beru salasyndaǧy sifrlyq transformasiianyŋ özektı mäselelerın talqylauǧa arnaldy.
Seminardy Astana qalasy äkımdıgınıŋ Ädıstemelık ortalyǧy men №93 mektep-lisei bırlesıp ötkızdı. Jiynǧa respublika boiynşa 200-den astam pedagog, bılım beru ūiymdarynyŋ basşylary, ǧalymdar, sarapşylar jäne BAQ ökılderı qatysty.
Seminardyŋ basty maqsaty – jasandy intellekt mümkındıkterın bılım beru üderısıne tiımdı engızu arqyly oquşylardyŋ HHI ǧasyr daǧdylaryn damytuǧa baǧyttalǧan zamanaui pedagogikalyq täsılderdı jetıldıru boldy.
Qatysuşylar Jİ qūraldarynyŋ:
• syni oilaudy damytuǧa,
• şyǧarmaşylyq qabılettı arttyruǧa,
• sifrlyq sauattylyqty qalyptastyruǧa,
• problemalardy şeşu daǧdysyn jetıldıruge yqpal etetının atap öttı.
Talqylaular barysynda jasandy intellekttıŋ mūǧalımdı almastyrmaityny, kerısınşe, onyŋ käsıbi rölın küşeitetını erekşe aityldy. Tehnologiia aqparatty jedel öŋdeuge mümkındık berse, pedagog tūlǧalyq qūndylyqtardy qalyptastyru men baǧyt-baǧdar beruge basymdyq beretını söz boldy.
Teoriia men täjıribe toǧysqan alaŋ
Seminar aiasynda plenarlyq otyrys, paneldık sessiialar, «Smart Classroom: Jİ men şyǧarmaşylyq» körmesı jäne jetekşı sarapşylardyŋ şeber-synyptary ūiymdastyryldy.
Qatysuşylar jasandy intellekt qūraldaryn sabaq qūrylymyna engızudıŋ naqty joldarymen tanysyp, praktikalyq keister men tiımdı strategiialardy talqylady. İnnovasiialyq pedagogikalyq täjıribeler ūsynylyp, mūǧalımderdıŋ sifrlyq qūzyrettılıgın arttyruǧa baǧyttalǧan ädıstemelık ūsynystar berıldı.
Sonymen qatar, «Adal azamat – bırtūtas tärbie» qūndylyqtaryn zamanaui tehnologiialarmen kırıktıru mäselesıne airyqşa nazar audaryldy. Sifrlyq ortada bılım beru üderısı adamgerşılık baǧdarmen qatar jüruı tiıs ekenı aityldy.
Ūlttyq bılım keŋıstıgındegı serpın
Is-şaraǧa Y. Altynsarin atyndaǧy Ūlttyq bılım akademiiasy mamandary, joǧary oqu oryndarynyŋ ǧalymdary, ädıskerler men halyqaralyq sarapşylar qatysty. Sarapşylar jasandy intellekttı bılım beru jüiesıne jüielı ärı qauıpsız engızudıŋ maŋyzdylyǧyn atap öttı.
Pıkırtalastar barysynda bılım mazmūny tek pändık bılımmen şektelmeuı kerektıgı, oquşynyŋ derekpen jūmys ısteu, taldau, algoritmdık jäne kreativtı oilau qabıletterın qatar damytu qajettıgı söz boldy. Jasandy intellekt osy baǧyttaǧy maŋyzdy qūral retınde baǧalandy.
Respublikalyq seminar zamanaui mekteptıŋ damu baǧytyn aiqyndaǧan maŋyzdy alaŋǧa ainaldy. Qatysuşylar bılım sapasyn arttyru, oqytudy jekelendıru, kerı bailanysty jedeldetu jäne oquşynyŋ jeke bılım traektoriiasyn qūru baǧytynda naqty ūsynystar aldy.
Jiyn qorytyndysynda jasandy intellekttı tiımdı ärı jauapkerşılıkpen qoldanu – bolaşaq bılım beru jüiesınıŋ basty talaptarynyŋ bırı ekenı atap ötıldı. Tehnologiia – maqsat emes, qūral. Al bılımnıŋ özegı – adam ekenı taǧy bır märte däleldendı.
Ūqsas jaŋalyqtar
