Prezıdent týrızm jáne sport mınıstrin qyzmetinen bosatty, - dep habarlaıdy "Adyrna" ulttyq portaly.
Senbi kúni sport mınıstri qyzmetinen ketti. Bul týraly Aqorda habarlady.
"Memleket basshysynyń Jarlyǵymen Ermek Boranbaıuly Marjyqpaev Qazaqstan Respýblıkasynyń Týrızm jáne sport mınıstri laýazymynan bosatyldy", - delingen habarlamada.
Mınıstrlik laýazymyna Ermek Marjyqpaev 2023 jyldyń 2 qyrkúıeginde taǵaıyndalǵan bolatyn.
Mınıstrlikke deıin 1991-1992 jj. – orta mektepte ustazdyq etken. 1992-1995 jj. – «Shonaı» shaǵyn kásipornynyń dırektory. 1995-2008 jj. – «Bereke-Býrabaı» JShS-nyń dırektory 2008 jyldyń sáýiri– 2012 jyldyń sáýiri – Arshaly aýdanynyń ákimi. 2012 jyldyń sáýiri – 2013 jyldyń qyrkúıegi – Zerendi aýdanynyń ákimi. 2013 jyldyń kyrkúıegi – 2019 jyldyń naýryzy – Aqmola oblysy ákiminiń orynbasary 2019 jyldyń 19 naýryzynan – Aqmola oblysynyń ákimi, 2019 jylǵy 17 maýsymda osy laýazymǵa qaıta taǵaıyndaldy.
Sondaı-aq, Ermek Marjyqpaev «Qurmet» ordenimen, «Qazaqstan Respýblıkasynyń Táýelsizdigine 10 jyl», «Eren eńbegi úshin», «Qazaqstan Respýblıkasynyń táýelsizdigine 20 jyl», «Qazaqstan Konstıtýııasyna 10 jyl», «Astananyń 10 jyldyǵy», Qazaqstan Respýblıkasy Prezıdentiniń alǵys haty, Qazaqstan Respýblıkasy týrızminiń qurmetti qyzmetkeri, Qazaqstan Respýblıkasynyń úzdik kásipkeri medaldarmen marapattalǵan.
