Týrızm jáne sport mınıstri Ermek Marjyqpaev Franııanyń Qazaqstandaǵy Tótenshe jáne Ókiletti Elshisi Dıde Kanesspen kezdesip, Parıj Olımpıadasyna daıyndyq barysyn talqylady, dep habarlaıdy “Adyrna” ulttyq portaly.
Jıynnan keıin jýrnalıster mınıstrden «Qazirgi tańda qansha lıenzııamyz bar jáne ony qanshaǵa jetkizý kózdelgen?» dep surady.
«Búgingi tańda bizde 8 sport túrinen 19 lıenzııa bar. Ókinishke qaraı bul kórsetkish Tokıo Olımpıadasynan azdaý. Tokıo Olımpıadasynyń aldyndaǵy osy ýaqytta 30-dan astam lıenzııa bolǵan. Sondyqtan búgingi eń basty maqsat lıenzııa sanyn kóbeıtý kerek bolyp otyr. Aldaǵy ýaqytta áli 60 lıenzııalyq týrnır bar. Jalpy 70-ten astam joldama alamyz dep úmittenip otyrmyz. Qazirgi tańda bokstan ulttyq qurama Italııaǵa attandy. Sol jaqtan 3-4 lıenzııa alsaq dep otyrmyz. Osy Olımpıada da jańa esimder paıda bolady. Boks, kúres, gımnastıka salasynan oljaly bolýymyz múmkin», – dedi ol.