Belgili fototilshi Bolat Omarálıev 76 jasqa qaraǵan shaǵynda ómirden ozdy. Qaraly habardy jýrnalıst Erjan Jaýbaı jetkizdi, dep habarlaıdy «Adyrna» ulttyq portaly.
«Qazaqtyń foto ónerine súbeli úles qosqan Bolat Omarálıev aǵanyń da ýaqyty bolypty. Alla peıishte nuryn shalqytsyn!»—dep jazdy ol.
Bolat Shamauly 1948 jyly 15 qarashada Qyzylorda oblysy, Syrdarııa aýdany, Qoǵaly aýyly, Yzakól degen jerde dúnıege kelgen. Eńbek jolyn aýdandyq «Syrdarııa» gazetinde bastaǵan. 1969 jyldan 2014 jyldyń jeltoqsanyna deıin oblystyq «Syr boıy» gazetinde fototilshilik qyzmet atqardy. Ol Qazaqstan fotojýrnalıstıkasyn damytýǵa kóp jyl sińirgen eńbegi úshin «Fotoóner qaıratkeri» medalimen marapattaldy. Reseı, Polsha, Ýkraına elderinde birneshe ret fotokórme ótkizgen.
Buǵan deıin Bolat Omarálıev «Adyrna» tilshisine bergen suqbatynda fotoetıýd túsirýdi 17 jasynan bastap qolǵa alǵanyn aıtqan edi.
