Murathan Toqmádı Erkin Tátishev pen AQSh FTB-nyń burynǵy dırektory Lýı Frı keltirgen derekterdi joqqa shyǵardy, dep habarlaıdy "Adyrna" ulttyq portaly Kýrsıv.Medıaǵa siltep.
Otbasynyń pikirinshe, olardyń maqsaty – Murathan Toqmádıdi shartty túrde merziminen buryn bosatýǵa kedergi jasaý, appelıaııalyq satydaǵy sotqa qysym jasaý.
Málimdemede Toqmádıdiń úsh márte merziminen buryn bosatýǵa ótinish bergenin, biraq eki márte «ózin-ózi ustaýdyń jetkiliksizdigi», «tósegin jınamaý» jáne «namaz oqý» sııaqty ártúrli sebeptermen qabyldanbaǵanyn aıtylady.
Jaza merziminiń úshten eki bóligin ótegen Murathan Toqmádıdiń tártibine oń sıpattama berilgennen keıin ǵana úshinshi ótinishi qanaǵattandyrylyp otyr.
«Jábirlenýshi taraptyń mindetti kelisimi tek ótelmegen azamattyq talap-aryzben «shartty túrde merziminen buryn bosatý» qaralǵan jaǵdaıda ǵana qajet. Bizdiń jaǵdaıda, 10.5 jylǵa sottaǵan Taraz qalasy sotynyń 16.03.2018 jylǵy úkimine sáıkes, jábirlenýshi taraptyń ótelmegen talap-aryzy joq», – deıdi otbasy músheleri.
Toqmadı otbasy Freeh Group Unternational Solutions jeke amerıkalyq konsaltıngtik kompanııasynyń negizin qalaýshy jáne FTB-nyń burynǵy dırektordy Lýıs Frıge qatysty da óz ýájin aıtty. Ol júrgizgen saraptamany «táýelsiz» dep tyrnaqshaǵa alyp otyr. Olardyń aıtýynsha, saraptama oqıǵa ornynda emes, Almaty qalasyndaǵy UQK ǵımaratynyń aýlasynda «is materıaldaryn» zerdeleý negizinde ǵana júrgizilgen. Oq atylǵan kólikke saraptama jasalmaǵan. Qarý 2007 jyldan 2017 jylǵa deıin, ıaǵnı is qaıta qaralǵanǵa deıin 10 jyl boıy Erkin Tátishevte bolǵan.
Toqmadı otbasynyń pikirinshe, merziminen buryn shartty túrde bostandyqqa shyǵý zań aıasynda júzege asyp jatyr.
«Murathan Toqmádı, kez-kelgen Qazaqstan azamaty sekildi, shartty túrde merziminen buryn bosatylýǵa quqyly», – delingen málimdemede.
Aıta ketetin jaıt, Almaty oblystyq sotynda bankır Erjan Tátishevti óltirgeni úshin sottalǵan Muqtarhan Toqmádıdi merzimimen buryn bostandyqqa shyǵarý týraly sheshimge qarsy jábirlenýshi taraptyń appellıaııalyq shaǵymy qaralyp jatyr. Alǵashqy otyrys 23 tamyzda ótti. Onda jábirlenýshi tarap bul sheshimge úzildi-kesildi qarsy ekenin bildirdi. Bankır Erjan Tátishevtiń inisi Erkin Tátishevtiń advokattary merzimimen buryn bosatý sharttaryna Toqmadıdiń is-árketteri sáıkes kelmeıtinine basa nazar aýdardy. Olar jaza tym jeńil boldy dep esepteıdi. Almaty oblystyq soty kelesi otyrysty 6 qyrkúıekke belgiledi.
