Memleket basshysynyń tapsyrmasyna jaýap retinde iske asyrylatyn "Aýyldyq densaýlyq saqtaýdy jańǵyrtý" ulttyq jobasy aıasynda Esil aýdanynyń eki aýylynda dárigerlik ambýlatorııa salynyp jatyr.
Bul medıınalyq obektilerdi qurýdyń negizgi maqsaty aýyl turǵyndaryn alǵashqy medıınalyq-sanıtarlyq kómekpen qamtamasyz etý, sondaı-aq asqynýlardyń aldyn alý úshin profılaktıkalyq tekserýlerdiń, skrınıngterdiń, aýrýlardy erte anyqtaýdyń jáne ýaqtyly medıınalyq kómek kórsetýdiń qoljetimdiligin arttyrý bolyp tabylady.
Svobodnyı jáne Aqsaı aýyldarynda turǵyndar kópten kútken jańa dárigerlik ambýlatorııalar paıda bolady. Buryn aýyldarda medıınalyq qyzmetterdi tek bir jalpy praktıka dárigeri, onyń ózi osy maqsattarǵa arnalmaǵan ǵımaratta kórsetken. Jańa ambýlatorııalar kúnine 45 adamǵa deıin qabyldaıtyn bolady.
Azamat Qojahmetov, Esil aýdandyq aýrýhanasynyń bas dárigeri:
— Dárigerlik ambýlatorııalarda bir jalpy praktıka dárigeri jáne medıınalyq kómek kórsetetin úsh medbıke bolady. Ambýlatorııalar barlyq talaptarǵa saı bolady jáne qajetti medıınalyq jabdyqtarmen jabdyqtalady. Svobodnyı aýylynda salynyp jatqan nysannyń quny 320,3 mln teńgeni, al Aqsaı aýylynda — 325,9 mln teńgeni quraıdy. Qarjylandyrý respýblıkalyq bıýdjetten "Aýyldyq densaýlyq saqtaýdy jańǵyrtý" baǵdarlamasy aıasynda júzege asyrylady.
Búgingi tańda Esil aýdanynda kúndizgi staıonardyń 45 ornyna eseptelgen 7 dárigerlik ambýlatorııa jumys isteıdi.
