Belgııalyq áıel asyrap alǵan qazaq balasy Jánibek áleýmettik jelide anasynyń ósıetin aıtty, dep habarlaıdy "Adyrna" ulttyq portaly.
Jánibek ózin kishkentaı kúninde asyrap, týǵan ulyndaı ósirgen Valerıdiń sońǵy ósıetin aıtty. Áıel kóz jumar aldynda "myna álemde jalǵyz qalma" dep balasyna óz anasyn tabýyn tapsyrǵan.
“Eń aldymen ómirde jaqynynan aıyrylyp qalǵan adamdardyń bárine kóńil aıtqym keledi. Valerı 10 shildede qaıtys boldy. Iá, meni asyrap alǵan anam tańǵy 10:30-da bul dúnıemen qoshtasty. Bıyl qańtarda Taılandta júrgen kezimde Valerı uzaq jyldar boıy azap shekkennen keıin byltyr evtanazııaǵa júgingenin aıtyp edi. Valerı myqty adam retinde este qaldy, óıtkeni ol basyna túsken qıyndyqpen jalǵyz kúresýge májbúr boldy. "Týǵan anańdy tap jáne myna úlken álemde jalǵyz qalma" dep maǵan sońǵy tilegin aıtyp ketti. Saýaly kóp, jaýaby joq oqıǵada onyń tilegin oryndaı alar ma ekenbiz? Raqmet, mama", - dep sóz bastady Jánibek.
Murat Savelev esimdi qazaq balasy ózi asyrap alǵan anasynyń sońǵy tilegin oryndaý úshin kópten kómek surady.
"Dostar, qaıyrly kún. 10.07.2024. — kópshilik biletindeı, bul meniń eń jaqyn adamym qaıtys bolǵan kún. Iá, álemdegi jalǵyz jaqyn adam. Valerı meniń týǵan anam bolmasa da, ol meni óz ulyndaı jaqsy kórdi jáne men úshin qolynan kelgenin jasaýǵa tyrysty.
Meni qoldap, hat jazyp, kóńil aıtqan jandarǵa raqmet. Men sizderdi jaqsy kóremin, jaqsy adamdar. Valerıdiń sońǵy tilegin oryndaýǵa tyrysaıyqshy. Kezdeskenshe!", – deıdi ol.
Eske sala keteıik, ótken aıda Jánibektiń belgııalyq anasy kóz jumǵanyn habarlaǵan edik.
