Búgin - 25 tamyz, qazaqtyń tuńǵysh dıktory, Qazaq radıosynyń ardageri, Qazaq KSR-niń eńbek sińirgen mádenıet qaıratkeri, radıohabar taratý iciniń qaıratkeri, KSRO-nyń qurmetti radısi, eńbek ardageri Mına Seıitqyzy Seıitovanyń dúnıege kelgen kúni, dep habarlaıdy "Adyrna" ulttyq portaly.
Ol 1919 jyly 25 tamyzda dúnıege kelgen. Qazaq radıosynda 1934 jyldan bastap, qyzmet atqarǵan. «Qurmet» ordenimen, «Otan soǵysy kezindegi tyldaǵy qyzmeti úshin» ordenimen, «Jeńiske - 40 jyl» medalimen, QazSSR Joǵary Keńesiniń «Qurmet» gramotasymen marapattalǵan. Daryndy dıktor radıoǵa kelgenge deıin medıına ınstıtýtynda Mánshúk Mámetovamen birge oqyǵan. Onyń sóıleý sheberligine Ahmet Jubanov, Evgenıı Brýsılovskııler rızashylyq bilgirgen.
Mıkrofon aldynda 44 jyl qyzmet etip, talaı dıktorlarǵa, sonymen qatar Bıbigúl Tólegenova, Ermek Serkebaev, Muqaǵalı Maqataev syndy ulttyq mádenıetimizdiń marqasqalaryna ustaz bolǵan. Ony Iýııı Levıtan, Elızaveta Emelıanova sııaqty Odaqqa tanymal dıktorlar qurmet tutty. 1943 jyly radıonyn jetekshi dıktorynan aǵa dıktoryna aýysqan Mına Seıitqyzynyń ornyna Ánýarbek Nyǵmetjanuly Baıjanbaev qyzmetke alyndy.
