Túrkistan oblysynda bir áýlettiń 5 adamy birdeı aýyr jaza arqalady. Eki adamdy atyp óltirdi degen kúdikke ilikkenderdiń ekeýine 20 jyl, qalǵan úsheýine 25 jyl jaza kesildi, dep habarlaıdy «Adyrna» tilshisi «KTK» arnasyna silteme jasap.
Qandy qylmys byltyr tamyz aıynda Arys qalasynda bolǵan. Jer úıdiń aýlasynda demalyp otyrǵan jigitterdi betin tumshalaǵan eki jendet qarýmen atyp ketken. Oqıǵa ornynda bokstan burynǵy oblys chempıony, «Chernyı Almas» laqap atymen tanymal Almas Joldasov pen 23 jasar Jandaýlet Qabylov kóz jumdy. Jaraqat alǵan taǵy eki adam aýrýhanaǵa jetkizilgen. Jaralanǵandardyń biri polıııa qyzmetkeri eken.
«Kóp uzamaı 53 jáne 25 jastaǵy jaldamaly jendetter ustaldy. Olar tipti adam óltirýge tapsyrysty kim bergenin de aıtyp bergen. «Chernyı Almas» sottalýshylardyń týysyn óltirgen eken. Kek qaıtarý úshin jınalǵan bir áýlettiń jigitteri eki týysyn daıyndap, qarýyna deıin saılap bergen»,–delingen habarlamada
Kisi óltirgen aǵaıyndylardyń ekeýi 20 jylǵa, al 24, 26 jáne 20 jastaǵy qylmysty uıymdastyrýshylar 25 jylǵa sottaldy.
