Aqmola veterınarııalyq stanııalaryna 19 birlik qyzmettik avtokóligi tabystaldy. Aýdandyq veterınarııa bólimderiniń basshylaryna avtokólikterdiń kiltterin oblys ákimi
Marat Ahmetjanov tapsyrdy.
Óńir basshysy óz sózinde veterınarııa salasynyń strategııalyq mańyzdylyǵyn atap ótti.
«Sizderdiń qyzmetterińiz et jáne sút ónimderiniń sapasyn baqylaýdy qamtamasyz etý, sondaı-aq janýarlar arasynda qaýipti aýrýlardyń taralýynyń aldyn alý arqyly halyqtyń densaýlyǵyna tikeleı áser etedi», - dep atap ótti M.Ahmetjanov.
Sońǵy jyldary veterınarlyq qyzmetterdiń materıaldyq-tehnıkalyq bazasyn jaqsartý máseleleri sheshilýde. Jańa kólikterden basqa, planshetter, modýldik veterınarııalyq pýnktter satyp alyndy jáne úlgilik mal qorymdarynyń qurylysy júrgizilýde. Munyń bári veterınarlar jumysynyń tıimdiligin arttyrýǵa jáne halyqqa kórsetiletin qyzmetterdiń sapasyn jaqsartýǵa, epızootııalyq jáne epıdemıologııalyq jaǵdaıdy turaqtandyrýǵa, kadr máselesin sheshýge baǵyttalǵan.
«Jańa avtokólik – bul eń aldymen eldi mekender arasyndaǵy jyldam qozǵalys. Kóbinese qıyndyqtar aýa-raıynyń qolaısyzdyǵynda bolady. Tehnıka sońǵy ret 10 jyl buryn jańartylǵan», - dedi Ereımentaý aýdanynyń veterınarııalyq stanııasynyń bastyǵy Oral Tóleýov.
Aıta keteıik, Aqmola oblysynda 19 memlekettik veterınarııalyq uıym, aýyldyq jerlerde 217 veterınarııalyq pýnkt jumys isteıdi.
