Búgin, 21 tamyzda Astana qalasynyń ákimi Jeńis Qasymbek Parıj Olımpıadasynyń kúmis júldegeri Nurbek Oralbaı men onyń jattyqtyrýshysyna arnaıy syılyq tabystady, dep habarlaıdy «Adyrna» tilshisi.
«Parıjde ótken Olımpıada oıyndarynyń kúmis júldegeri Nurbek Oralbaımen jáne onyń jattyqtyrýshysy Asqar Erkebaevpen kezdestim. Nurbek Oralbaı elimizdiń ári qalamyzdyń atynan synǵa tústi. Onyń bul jetistiginiń artynda myńdaǵan saǵattyq jattyǵýlar, sol sııaqty otbasynyń, jattyqtyrýshysynyń jáne týystarynyń qoldaýy men ózine degen senimi jatyr. Demeýshiler esebinen Nurbek Oralbaıǵa Land Rover Defender avtokóliginiń kilti, al jattyqtyrýshysyna 10 mln teńgeniń sertıfıkaty tabys etildi. Sportshylarymyzǵa bıik shyńdardy baǵyndyrýyn tileımin!»– dedi ol jelidegi paraqshasynda.
Eske salaıyq, buǵan deıin NNN laqap atymen tanylǵan bloger Nurdáýlet Bektursyn sportshyǵa ZEEKR kóligin syılaǵan edi.
