Túrkistannyń eńbek mobıldiligi ortalyǵynda is júzinde jumysqa turmaǵan adamdarǵa jalaqy tólengen. Bul týraly búgin, 21 tamyzda Qarjylyq monıtorıng agenttiginiń baspasóz qyzmeti aıtty, dep habarlaıdy «Adyrna» tilshisi.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń «Eńbek mobıldiligi ortalyǵy» KMM-niń qyzmetkerlerimen memleketke 130 mln teńgeden astam zalal keltirildi.
«Jaýapty tulǵalar «2021-2025» jyldarǵa arnalǵan kásipkerlikti damytý jónindegi ulttyq jobasy» aıasynda sýbsıdııalanǵan jumys oryndaryna qatysýshy tulǵalardyń jalaqylaryn tóleý barysynda birqatar kásiporyn basshylarymen sóz baılasyp, mekemelerde is júzinde jumys jasamaıtyn 132 azamattyń jeke derekterin «Eńbek naryǵy» avtomattandyrylǵan aqparattyq júıesine engizip, olarǵa aýdarylǵan aılyq jalaqylaryn ıemdenip otyrǵan»,—delingen habarlamada.
