Memleket basshysy Almaty ákimi Erbolat Dosaevty qabyldady. Prezıdentke Almatynyń áleýmettik-ekonomıkalyq damýy týraly baıandaldy, dep habarlaıdy “Adyrna” ulttyq portaly “Aqorda” saıtyna siltep.
Prezıdentke bıylǵy eki aıdyń qorytyndysy boıynsha qala ekonomıkasynyń qarqyndy óskeni, Almatynyń qysqa merzimdi ekonomıkalyq ındıkatorynyń ósimi 1,7 paıyzǵa jetkeni jóninde aıtyldy. Jergilikti bıýdjetke túsken qarjy 55 paıyzǵa, ıaǵnı 287,5 mıllıard teńgege deıin kóbeıdi. Negizgi kapıtalǵa salynǵan ınvestıııa kólemi artyp keledi. 190 mıllıard teńge ınvestıııa tartylyp, ósim kórsetkishi 24,5 paıyzdy qurady.
Erbolat Dosaevtyń aıtýynsha, byltyr tamyz aıynda Memleket basshysynyń bergen tapsyrmalaryn oryndaý aıasynda megapolısti polıortalyq retinde damytý, turǵyn úı men áleýmettik nysandardyń seısmıkalyq qaýipsizdigin kúsheıtý, qurylystardyń tyǵyz salynýyn boldyrmaý jáne basqa da máseleler boıynsha jańa talaptardy engizý jónindegi keshendi sharalar júzege asyrylyp jatyr.
Qasym-Jomart Toqaevqa qalanyń seısmıkalyq qaýipsizdigin qamtamasyz etý jónindegi tapsyrmasynyń oryndalýy jaıynda málimet berildi. Turǵyndar men zańdy tulǵalardyń ótinishteri boıynsha bıyl 23 qańtardaǵy jer silkinisinen keıin tekserilgen 183 nysanǵa aıtarlyqtaı zaqym kelmegen. Sondaı-aq 4 naýryzdaǵy jer silkinisinen keıin túsken ótinishter boıynsha 363 nysanǵa keshendi tekserý jumystary bastaldy. 2024 jyly 13,2 myń nysanǵa seısmoaýdıt júrgiziledi. Memleket basshysynyń tapsyrmasymen tótenshe jaǵdaı kezinde azamattardy ýaqytyly qulaqtandyrý maqsatynda bıyl 1 maýsymǵa deıin pılottyq rejımde «Mass Alert» júıesi engiziledi.
Budan bólek, qala ákimi qaldyqtardy basqarý júıesin jańǵyrtý, aýlalardyń aýmaqtary men jasyl jelekterdi kútip ustaýdyń jańa ári keshendi tásili týraly aıtty. Osy rette qyzmet kórsetetin uıymdarmen 3 jylǵa servıstik kelisim-shartqa qol qoıyldy. Bul sharalar olardyń qarjylyq ornyqtylyǵyn jáne kórsetiletin qyzmetterdiń sapasyn arttyrady.
Kezdesý sońynda Qasym-Jomart Toqaev ekonomıkany odan ári ártaraptandyrý, Almatynyń seısmıkalyq qaýipsizdigin qamtamasyz etý, sýmen qamtý jáne sý tartý júıesin jańǵyrtý jumystaryn jalǵastyrýdy tapsyrdy.
