Túrkistan oblysy Sirgeli aýylynda dárethanaǵa qulap ketken 3 jasar búldirshinniń ólimi týraly tyń derekter paıda boldy, dep habarlaıdy «Adyrna» tilshisi Otyrar.kz-ke silteme jasap.
Alǵashynda qyz abaısyzda dárethanaǵa ózi túsip ketken dep aıtylǵanymen, qazirgi tańda ony bireý ıterip jibergen dep kúdiktelip otyr.
Basylymnyń málimetinshe, qaıǵyly jaǵdaıdan bir aı ótken soń taǵy bir qyz dál sol dárethanaǵa túsip kete jazdaǵan. Sol kezde ol 16 jastaǵy kórshisin kórsetken. Polıııa tergeý júrgizip, úsh jasar Asylymnyń ólimi qasaqana jasalǵan qylmys ekenin anyqtady. Jasóspirim óziniń is-áreketin moıyndady. Onyń shızofrenııamen aýyratyndyǵy belgili boldy.
«3 jasar qyzdyń qaıtys bolý faktisi boıynsha tergeý júrgizýde, onyń denesi aǵymdaǵy jyldyń mamyr aıynda Saryaǵash aýdanynda dárethanadan tabylǵan. Tergeý is-sharalary barysynda bul oqıǵaǵa kámeletke tolmaǵan kúdiktiniń qatysy bolýy múmkin ekendigi anyqtaldy. Anyqtalǵan jaǵdaılarǵa baılanysty jáne kúdiktiniń psıhologııalyq jaǵdaıyn eskere otyryp, ol mamandandyrylǵan medıınalyq mekemege ornalastyryldy. Qazirgi ýaqytta istiń barlyq mán-jaılaryn tolyq jáne jan-jaqty anyqtaýǵa baǵyttalǵan sotqa deıingi tergeý jumystary jalǵasýda. Polıııa aqıqatty anyqtaýǵa jáne zańdy sheshim qabyldaýǵa bar kúshin salady», — dedi Túrkistan oblystyq polıııa departamenti.
Eske salaıyq, 16 mamyrda Asylym esimdi búldirshinniń joǵalyp ketkeni týraly habarlanǵan edi. Qyz balanyń denesi úsh kúnnen keıin ájethanadan tabyldy. Artynsha polıeıler búldirshinniń denesi kórshi úıdiń dárethanasynan tabylǵanyn, zorlyq-zombylyqpen ólim belgileri joq ekenin málimdedi.
