Týrızm salasyn damytý boıynsha atqarylyp jatqan keshendi jumystardyń nátıjesinde oblysta týrıster leginiń ósý dınamıkasy baıqalyp otyr. Bul týraly Óńirlik kommýnıkaııalar qyzmetiniń alańynda ótken baspasóz konferenııasynda oblystyq týrızm basqarmasynyń basshysy Qarlyǵash Aralbekova málimdedi.
Basqarma basshysynyń aıtýynsha, osy jyldyń qańtar-naýryz qorytyndylary boıynsha oblysta kelýshilerdi ornalastyrýmen shuǵyldanatyn ornalastyrý oryndarynyń sany 181 birlikti quraǵan.
– Naqtyraq aıtsaq, ondaǵy ornalastyrý oryndary sany 2005 bólme bolsa, birjolǵy syıymdylyq 3872 tósek-oryndy quraıdy. Olarmen 30984 adamǵa qyzmet usynylyp, qyzmet kórsetilgen kelýshilerdiń sany ótken jylǵy tıisti kezeńmen salystyrǵanda esepti kezeńde 21,4%-ǵa artty. Esepti kezeńde ornalastyrý oryndarynda 261759 myń teńge somasyna qyzmet kórsetildi. 2019 jylǵy qańtar-naýryz qorytyndylary boıynsha rezıdent emes kelýshilerdiń sany 17,9%-ǵa artty. Máselen 2018 jyldyń qańtar-naýryz aılarynda kelýshiler 750 bolsa, al bıylǵy jyldyń dál osy aılayrnda 884 adamǵa jetti. Statıstıkalyq málimetterge sáıkes 2019 jyldyń qańtar-maýsym aılary aralyǵyndaǵy (6 aı) týrızm salasy boıynsha negizgi kapıtalǵa salynǵan ınvestıııalardyń aýmaqtyq kólemi – 3 mlrd 521 mln 639 myń teńgeni qurady, – deıdi basqarma basshysy.
Qarlyǵash Ámirqyzynyń aıtýynsha, Jambyl oblysy ekonomıkasynyń basymdy baǵyttarynyń biri retinde týrızm salasynyń damýyna erekshe kóńil bólinip otyr. Qazirgi tańda josparlanǵan maqsat pen mindetterge qol jetkizý úshin oblystyń oń týrıstik ımıdjin qalyptastyrý jumystary júrgizilýde. Atap aıtsaq, óńirge týrısterdi kóptep tartý úshin qajetti ınfraqurylymmen qamtamasyz etý jumystary atqarylyp jatyr.
– Jambyl oblysy men onyń ortalyǵy Taraz qalasy tarıhı óńir bolǵandyqtan týrızmdi damytýǵa qolaıly aımaq bolyp sanalady. Naqtyraq aıtsaq, oblysta 3 365 tarıhı-mádenı mura eskertkishteri ornalasqan, onyń ishinde 2 934 arheologııalyq, 111- tarıhı, 97 arhıtektýralyq nysan bolyp sanalady. Uly Jibek jolynyń boıynda ornalasqan 5 nysan IýNESKO-niń dúnıejúzilik muralar tizimine engen. Máselen Aqtóbe (Balasaǵun), Qulan, Órnek, Aqyrtas jáne Qostóbe qalashyqtaryna qyzyǵýshylyq joǵary. Sondaı-aq «Aqyrtas» saraı kesheni men «Aısha bıbi» mavzoleıi Eýrazııa ekonomıkalyq yntymaqtastyq uıymynyń «Erekshe tartymdy týrıstik nysandar» tizilimine engizilgen, – deıdi ol.
Qarlyǵash Ámirqyzy oblys týrzımin damytý úshin jol júrýdi jeńildetýdiń mańyzdy ekenin aıtady. 1 mamyrdan bastap «Fly Arystan» kompanııasy «Almaty-Taraz-Almaty» baǵytynda jolaýshylarǵa qyzmet kórsetetin bolady. Atalǵan baǵyttyń ashylýy ishki týrızm boıynsha keletin týrıster legin ulǵaıtatyn mańyzdy faktorlarynyń biri bolyp otyr.
