Naib imam meşıtte qanşa jalaqy alyp, qandai qyzmetter atqarǧanyn aityp berdı, dep habarlaidy "Adyrna" ūlttyq portaly Stan.kz-ke sıltep.
Şymkent, Taraz jäne Almaty oblystarynda imam bolǧan Qanat Talǧatūly meşıttıŋ jüiesı turaly aitty.
"Äuelı, meşıttıŋ jüiesın aityp öteiık. Meşıtte jäşık bolady. Eldıŋ bärı jūma namazǧa, Qūrban ait nemese basqa dıni joralǧylar jasaǧan kezde jäşıkke aqşa tastap otyrady. Sol tastaǧan aqşadan, eŋ bırınşı, meşıttıŋ su men jaryǧyna, jylu men kerek-jaraqtaryna öteledı. Būdan keiın ol jerde qanşa qyzmetker bolsa, marzymaityn 50-60 myŋ teŋge kölemınde qarjy berıledı. Menıŋ soŋǧy jūmys ıstegen meşıtımde aiyna 40 myŋ teŋge şyǧatyn. Būl qarjy meşıttıŋ eşnärsesıne jetpeitın. Mysaly, 25 pen 30 myŋ teŋgenı jaryqqa töleitın edım. Qalǧan somany halyq şaqyratyn qūdaiy tamaq, janaza sekıldı jerlerden alatynbyz. Osy närseden kün kördık. Bylaişa aitqanda, jūmys ıstedım, qūdaiy tamaqqa bardym, qyzmet ettım degennıŋ özınde 100 myŋ teŋgeden aspaityn. Būǧan kün köru mümkın emes. Sebebı bala-şaǧa ösıp kele jatyr, olardyŋ balabaqşasy bar. Päteraqyny da töleuge jetpeitın edı. Sodan keiın amalsyzdan imamdyq qyzmetten ketıp, qazır jihaz salasynda ūsta bolyp jūmys ıstep jürmın. Būryn 100 myŋ teŋge kölemınde ailyq alsam, bügınde 400 myŋ men 500 myŋ teŋge aralaǧynda näpaqamyzdy tauyp jatyrmyz", – dep aǧynan jaryldy Qanat Talǧatūly.Onyŋ sözınşe, būl saladaǧy toi-jiyn ne özge şaralarǧa 30-40 jyl täjıribesı bar, el-jūrt tanityndardy köbırek şaqyryp tūrady.
"Eşqandai tanysy joq, jas maman bolyp kelgen imamdardy, ärine, şaqyrady. Alaida köp jaǧdaida tamyryn tereŋge jaiǧan, 30-40 jyldyq täjıribesı bar mamandardy jiı şaqyrady. Mūndai imamdardyŋ tabysy da köbırek bolady. 21 jasymda imamdyq qyzmetke taǧaiyndalyp, 10 jyldai jūmys ıstedım. Sol uaqyt aralyǧynda halyqtan mūndai soma berıŋız dep sūraǧan emespız. Kez kelgen adam şaqyrady. Tünde habarlasqanyna qaramai barǧan kezder de boldy. Keibıreuı joralǧylarǧa rizaşylyq aityp berıp jatsa, endı bırınde, tıptı, bermeitın. Olarǧa eşqandai söz aita almaisyŋ. Öitkenı senıŋ qyzmetıŋ dıni qyzmet bolǧandyqtan, aqy talap ete almaisyŋ", – dedı būrynǧy imam.Dın salasyndaǧy maman jūrttyŋ qanşa beretının aitty.
"Bır künı myŋ teŋge, kelesıde 2 myŋ teŋge tapqan kezder bar. Būdan qaldy ailap, aptalap aqşa tappaǧan sätterde äreŋ küneltetınbız. Äsırese, karantinde jäne odan keiıngı uaqytta tabys közı azaiyp kettı. Janazadaǧy "Hatym Qūrannan" 5 000, 10 000, 15 000 teŋge, ärı ketse 20 000 teŋgeden artyq alǧan emespın. Dem saluǧa 2 000 teŋge beretın. 140 teŋge bergender bar. Mūndai kezde baqsy-balgerler adamǧa 7 tasty oqytyp, dem saldyryp kel dep jıberedı. Ärkım özınıŋ şama-şarqyna qarai aqşa beretın", – dedı Qanat Talǧatūly.Qanat Talǧatūlynyŋ aituynşa, barlyq meşıtte sadaqadan jinalatyn jäşıktegı aqşanyŋ 30%-y müftiiatqa (QMDB) tabystalady eken.
"Negızı Qazaqstan mūsylmandar dıni basqarmasy barlyq aqşany jinap, eldegı barlyq imamdarǧa ailyq retınde bölıp beruı kerek. Mysaly, arnaiy jūmys kiımı degen bolady. Qazır jihaz sehynda jūmys ıstegendıkten, būl jerde maǧan arnaiy formany özderı berdı. Tıptı, müftiiat kietın şapan men säldenı alyp bermeitın. Bız müftiiatqa jäşıktıŋ 30%-yn ötkızetınbız. Oquǧa şaqyrady... İmamdardyŋ oqu kursy bar, oǧan da tölep kıresıŋ. Būdan bölek jūmystan ketuıme ışkı küizelıs, qaqtyǧystar sebep boldy. Sebebı senı üide bala-şaǧaŋ qaşan tabys alyp keledı dep kütıp otyrady. Meşıtte "ohrannik" bolyp şarşadym. Täulık boiyna meşıttesıŋ, bes uaqyt namazdy däl sol mezette kütıp, oqyp otyruyŋ kerek. Köptıŋ aldynda uaǧyz aityp otyru auyrǧa soqty. Keide taŋ namazyna saǧat 03:30-da baryp, kelesı künı tüngı 23:00-de üige barǧan sätter de boldy. Mūndai kezde qatty qinalyp ketetınmın. Al qalada oŋaiyraq. Mūnda 5-6 imam auysyp otyrady", – dep qynjyldy būrynǧy imam.
Ūqsas jaŋalyqtar
