Ol Sizden qorqady...

3027
Adyrna.kz Telegram

Bizdiń úı ejelden bar, qordaly meken. Alǵash kóship kelgenimde, aýla toly orys edi.  Qabaǵy qatý,  menmenshil jurt "neǵyl deısińmen" tosyp alǵan. Meniń balalarymnyń emen-jarqyn qazaqy kúlkisin sham kóre, eskertýmen, jekýmen tuzdyqtaýǵa beıildigin kórgenmin de-tań boldym.
Qorýǵa, tıymǵa kónbes bala minez-odan saıyn shýly merekesin údetip áketetin.  Meniń astymdaǵy nemis, álde jóıit kelinshek enesimen kelip ysqyryna esik qaǵyp jatatyn... Bizdiń úıdegiler de ese bermeı eregesip keter edi.
Odan beri kóp ýaqyt ótti.
Kóp orys Reseıge kóshti.
Áldebir kúshti qoldar alqymǵa alyp jat jurttyń kárilerin ólimmen tusap, matap jatqandaı. Shaǵyn toppen shyǵaryp tastar, ajaldy marapattamas-bótenniń ketkeni kóp kún ótken soń ǵana, bilinip qalady.
Keıbiri múldem ómirde bolmaǵandaı, sýyq sur kózderi janbaǵandaı jylystap jutylyp sónip,  umytylyp ketti.
Irgeles turar jas orystar da qartań tartty.
Úıine kelip júrer jıeni meni kórgende úrke, shoshyna qalatyn.
Alǵashynda mán bermegenmen, keıin bul nege dep saýaldaǵanmyn kórshime.
Qysyla kúlip,  kórshi áıel;
-Biz Glebke aıǵaılap jylaǵanynda,  dybysyńdy shyǵarma, kórshi alyp ketedi dep tynyshtandyramyz,- dedi.
Ańyryp qalyppyn.
Qoshtaspadyq ta.
Esime " orys alyp ketedi" dep úrkiter ájelerim tústi.
Bizdiń táýelsiz Qazaqstanda turatynymyzdy,toleranttyǵymyz týraly oılanyp kettippin...
Nazarbaev kóshesinde.

Serik Elikbaı

"Adyrna" ulttyq portaly

Pikirler