Taǵy da Toyota Alphard kóligimen bolǵan asa aýyr jol-kólik oqıǵasynan birden alty adam qaza tapty, olardyń ekeýi polıııa qyzmetkeri, taǵy tórt adamnyń jaǵdaıy aýyr ekeni aıtyldy, dep habarlaıdy “Adyrna” ulttyq portaly.
«2024 jylǵy 17 tamyzda saǵat 1.00 shamasynda «Merki-Shý-Býrylbaıtal» respýblıkalyq tas jolynyń 40-shaqyrymynda aýyr jol-kólik oqıǵasy boldy. Toyota Alphard kóliginiń júrgizýshisi qarsy jolaqqa shyǵyp ketip, polıııa patrýldik polıııasynyń Skoda Octavia kóligimen soqtyǵysqan. Oqıǵa saldarynan qyzmettik kólikte bolǵan jáne jol qaýipsizdigin qamtamasyz etip, tas joldy kúzetip júrgen eki patrýldik polıeı oqıǵa ornynda qaza tapty. Qaıtys bolǵan polıeılerdiń biri 11 balasy bar áke. Toyota Alphard kóliginde segiz jolaýshy bolǵan. Olardyń tórteýi oqıǵa ornynda kóz jumdy, júrgizýshi men qalǵan úsh jolaýshy ártúrli aýyrlyqtaǵy jaraqattarmen ortalyq aýdandyq aýrýhanaǵa jatqyzyldy», - dep habarlady senbi kúni Jambyl oblysy IID baspasóz qyzmeti.
QR Qylmystyq kodeksiniń 345-babynyń 4-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný erejelerin buzýy) boıynsha qylmystyq is qozǵaldy. Qazirgi ýaqytta qajetti tergeý sharalary júrgizilýde.
«Osy qaıǵyly oqıǵada qaza tapqandardyń otbasylary men jaqyndaryna qaıǵylaryna ortaqtasyp kóńil aıtamyz. Polıııa jan-jaqty tergeý júrgizip, oqıǵanyń barlyq mán-jaıyn anyqtaý úshin barlyq qajetti sharalardy qabyldaıdy», - dep tolyqtyrdy tártip saqshylary.
