Taǧy da Toyota Alphard kölıgımen bolǧan asa auyr jol-kölık oqiǧasynan bırden alty adam qaza tapty, olardyŋ ekeuı polisiia qyzmetkerı, taǧy tört adamnyŋ jaǧdaiy auyr ekenı aityldy, dep habarlaidy “Adyrna” ūlttyq portaly.
«2024 jylǧy 17 tamyzda saǧat 1.00 şamasynda «Merkı-Şu-Burylbaital» respublikalyq tas jolynyŋ 40-şaqyrymynda auyr jol-kölık oqiǧasy boldy. Toyota Alphard kölıgınıŋ jürgızuşısı qarsy jolaqqa şyǧyp ketıp, polisiia patruldık polisiiasynyŋ Skoda Octavia kölıgımen soqtyǧysqan. Oqiǧa saldarynan qyzmettık kölıkte bolǧan jäne jol qauıpsızdıgın qamtamasyz etıp, tas joldy küzetıp jürgen ekı patruldık polisei oqiǧa ornynda qaza tapty. Qaitys bolǧan poliseilerdıŋ bırı 11 balasy bar äke. Toyota Alphard kölıgınde segız jolauşy bolǧan. Olardyŋ törteuı oqiǧa ornynda köz jūmdy, jürgızuşı men qalǧan üş jolauşy ärtürlı auyrlyqtaǧy jaraqattarmen ortalyq audandyq auruhanaǧa jatqyzyldy», - dep habarlady senbı künı Jambyl oblysy IID baspasöz qyzmetı.
QR Qylmystyq kodeksınıŋ 345-babynyŋ 4-bölıgı (Kölik qūraldaryn basqaratyn adamdardyŋ jol jürısı nemese kölik qūraldaryn paidalanu erejelerin būzuy) boiynşa qylmystyq ıs qozǧaldy. Qazırgı uaqytta qajettı tergeu şaralary jürgızılude.
«Osy qaiǧyly oqiǧada qaza tapqandardyŋ otbasylary men jaqyndaryna qaiǧylaryna ortaqtasyp köŋıl aitamyz. Polisiia jan-jaqty tergeu jürgızıp, oqiǧanyŋ barlyq män-jaiyn anyqtau üşın barlyq qajettı şaralardy qabyldaidy», - dep tolyqtyrdy tärtıp saqşylary.
Ūqsas jaŋalyqtar
