Oblystyń 43 myńnan astam adam turatyn 14 aýdanynda 38 alǵashqy medıınalyq-sanıtarlyq kómek nysandarynyń qurylysy josparlanǵan. Bul týraly óńirlik kommýnıkaııalar qyzmetinde ótken brıfıngte Aqmola oblysy Densaýlyq saqtaý basqarmasy basshysynyń mindeti atqarýshy Baýyrjan Syzdyqov málim etti.
Onyń aıtýynsha, búgingi tańda barlyq jobalar boıynsha saraptama qorytyndylary alyndy. Alty nysan boıynsha obektiniń qurylysyna talon alý boıynsha rásimder júrgizilip jatyr. Merdigerlik uıymdardy anyqtaý boıynsha konkýrstyq rásimder 3 nysan boıynsha qolǵa alynǵan. Al qalǵan 29 nysan boıynsha qurylys-montaj jumystary júrgizilýde.
Budan basqa, eki aýrahanada - Atbasar kópsalaly aýdanaralyq aýrýhanasynda jáne Stepnogorsk kópsalaly qalalyq aýrýhanasynda jańǵyrtý jumystary júrgizilip jatyr. Eki medıınalyq mekemede de jóndeý jumystary bastaldy.
«Medıınalyq tehnıkamen jabdyqtalýyna keletin bolsaq, bul kórsetkish 2,7 paıyzǵa artyp, 83 paıyzdan astamdy quraıdy. Ótken jyly aýyldyq densaýlyq saqtaý obektileri úshin 111 birlik medıınalyq tehnıka satyp alyndy. Bul eki angıografııalyq qondyrǵy, tórt vıdeoendoskopııalyq keshen, kompıýterlik tomografııa, úsh ýltradybystyq dıagnostıka apparaty, sandyq rentgenografııa júıesi. Búgingi tańda 63 birlik medıınalyq tehnıka satyp alyndy. Budan basqa, kelesi jyly Stepnogorsk jáne Atbasar aýrýhanalaryna MRT apparattary men kompıýterlik tomograftardy satyp alý josparda bar», - dedi Baýyrjan Syzdyqov.
Sondaı-aq, oblystyq densaýlyq saqtaý basqarmasy basshysynyń mindetin atqarýshy bıylǵy jyly júrgizilip jatqan kúrdeli jáne aǵymdaǵy jóndeýlerdiń arqasynda densaýlyq saqtaý uıymdary ǵımarattarynyń tozýyn 7,4 paıyzǵa azaıtýǵa qol jetkizilgenin atap ótti.
Saladaǵy eń ózekti máselelerdiń biri-kadr tapshylyǵy. Aýyldyq densaýlyq saqtaý obektilerin mamandarmen qamtamasyz etý úshin dárigerler men orta medıına qyzmetkerleriniń kadrlyq rezervi quryldy. Jalpy, uıymdardyń medıına qyzmetkerlerimen qamtylýy 90 paıyzdan asady.
«Biz kadr tapshylyǵyn 22 paıyzǵa tómendete aldyq. Sonymen qatar, aımaqqa kelgen dárigerler áleýmettik qoldaý - tólemder men baspana alady. Bıylǵy jyldyń tamyz-qyrkúıek aılarynda 120 salalyq mamannyń kelýin kútemiz. Sonymen qatar, 35 adam elimizdiń joǵary oqý oryndaryna kishi mamandyqtar boıynsha oqýǵa jiberiledi, oǵan qosa, «jalpy medıına» mamandyǵy boıynsha bakalavrıatqa 50 grant bólinedi. Sondaı-aq Kókshetaý joǵary medıınalyq kolledjinde medıınalyq kadrlardy daıarlaýǵa memlekettik tapsyrys boıynsha 245 grant bólindi», - dep tolyqtyrdy Baýyrjan Syzdyqov.
