Qazaqstannyń burynǵy prezıdenti Nursultan Nazarbaevtyń nemere inisi Qaırat Satybaldy memleketke 50 mıllıard teńgeden astam aktıvti qaıtarady. Bul týraly búgin, 15 tamyzda Bas prokýratýranyń Aktıvterdi qaıtarý jónindegi komıteti aıtty, dep habarlaıdy «Adyrna» tilshisi.
Qazirgi tańda 18 mlrd teńgege aktıvter qaıtaryldy. Olardyń qatarynda Almatydaǵy 2 iri bıznes ortalyǵy, kommerııalyq jyljymaıtyn múlik jáne Astananyń bedeldi aýdanyndaǵy elıtalyq úı bar.
«Satybaldydan tintý barysynda alynǵan 95 myń AQSh dollary Arnaıy memlekettik qorǵa aýdaryldy. Sonymen qatar júzdegen mıllıon teńgege eksklıýzıvti zergerlik buıymdar, brendtik saǵattar, kollekııalyq monetalar jáne basqa da sándi buıymdar, Birikken Arab Ámirlikterinen jalpy quny 192 mln teńgeni quraıtyn Rolls-Royce Cullinan jáne Aston Martin markaly kólikter túrindegi aktıvter qaıtaryldy»,—delingen habarlamada.
Odan bólek, Qaırat Satybaldy men onyń jaqyndaryna tıesili sheteldik múliktiń tapsyrylýy aıaqtalý satysynda.
Olarǵa Dýbaı qalasyndaǵy quny 20 mlrd teńge turatyn eki baǵaly vılla, Franııanyń Kókshil jaǵalaýyndaǵy quny 4 mlrd teńge turatyn tórt elıtalyq páter, quny 5 mlrd teńge turatyn Reseıdiń Máskeý qalasyndaǵy bedeldi turǵyn úı keshenderindegi 15 jyljymaıtyn múlik, quny 4 mlrd teńgeden astam Túrkııanyń Bodrým jáne Ystambul qalalaryndaǵy eki elıtalyq vılla jáne páter jatady.
Eske salaıyq, 2022 jyldyń 26 qyrkúıeginde Astana qalasy Baıqońyr aýdanynyń №2 soty Qaırat Satybaldyny 6 jylǵa bas bostandyǵynan aıyrǵan bolatyn. Oǵan Qylmystyq kodekstiń eki baby («Aldaý nemese senimge qııanat jasaý jolymen múliktik zalal keltirý», «Senip tapsyrylǵan bóten múlikti ıemdený nemese talan-tarajǵa salý») baptary boıynsha aıyp taǵyldy.
