Qairat Satybaldy memleketke taǧy 50 milliard teŋgeden astam aktivtı qaitarady

Qazaqstannyŋ būrynǧy prezidentı Nūrsūltan Nazarbaevtyŋ nemere ınısı Qairat Satybaldy memleketke 50 milliard teŋgeden astam aktivtı qaitarady. Būl turaly bügın, 15 tamyzda Bas prokuraturanyŋ Aktivterdı qaitaru jönındegı komitetı aitty, dep habarlaidy «Adyrna» tılşısı. Qazırgı taŋda 18 mlrd teŋgege aktivter qaitaryldy. Olardyŋ qatarynda Almatydaǧy 2 ırı biznes ortalyǧy, kommersiialyq jyljymaityn mülık jäne Astananyŋ bedeldı audanyndaǧy elitalyq üi bar. «Satybaldydan tıntu barysynda alynǧan 95 myŋ AQŞ dollary Arnaiy memlekettık qorǧa audaryldy. Sonymen qatar jüzdegen million teŋgege ekskliuzivtı zergerlık būiymdar, brendtık saǧattar, kolleksiialyq monetalar jäne basqa da sändı būiymdar, Bırıkken Arab Ämırlıkterınen jalpy qūny 192 mln teŋgenı qūraityn Rolls-Royce Cullinan jäne Aston Martin markaly kölıkter türındegı aktivter qaitaryldy»,—delıngen habarlamada. Odan bölek, Qairat Satybaldy men onyŋ jaqyndaryna tiesılı şeteldık mülıktıŋ tapsyryluy aiaqtalu satysynda. Olarǧa Dubai qalasyndaǧy qūny 20 mlrd teŋge tūratyn ekı baǧaly villa, Fransiianyŋ Kökşıl jaǧalauyndaǧy qūny 4 mlrd teŋge tūratyn tört elitalyq päter, qūny 5 mlrd teŋge tūratyn Reseidıŋ Mäskeu qalasyndaǧy bedeldı tūrǧyn üi keşenderındegı 15 jyljymaityn mülık, qūny 4 mlrd teŋgeden astam Türkiianyŋ Bodrum jäne Ystambūl qalalaryndaǧy ekı elitalyq villa jäne päter jatady. Eske salaiyq, 2022 jyldyŋ 26 qyrküiegınde Astana qalasy Baiqoŋyr audanynyŋ №2 soty Qairat Satybaldyny 6 jylǧa bas bostandyǧynan aiyrǧan bolatyn. Oǧan Qylmystyq kodekstıŋ ekı baby («Aldau nemese senımge qiianat jasau jolymen mülıktık zalal keltıru», «Senıp tapsyrylǧan böten mülıktı iemdenu nemese talan-tarajǧa salu») baptary boiynşa aiyp taǧyldy.