Jumysqa turmaq bolǵan aýla sypyrýshy 2 mıllıard qaryz bolyp qaldy

690

Máskeý mańyndaǵy Voskresensk qalasynyń turǵyny alaıaqtardyń arbaýyna túsip, eki mıllıard rýbl (shamamen 11,8 mıllıard teńge) qaryz bolyp qalǵan.

Ol "Moskva 24" telearnasyna bergen suhbatynda balany jalǵyz tárbıelep otyrǵanyn jáne qaryz bolýyna baılanysty jumystan bosatylǵanyn aıtty.

"Olarǵa hat keldi – sebebin taýyp, meni birden jumystan shyǵaryp jiberdi. Kúıeýimmen birge turmaımyn, balany jalǵyz tárbıelep otyrmyn. Advokatqa baryp, sotqa aryz berdim. Úıimdi tintidi. Dári-dármekke táýeldi bolyp qaldym, júıkem juqardy", - dedi buryn kóshe tazalaýshy bolyp jumys istegen áıel.

Áıel birneshe jyl buryn jumysqa ornalaspaq bolady, áńgimelesý kezinde qujattardyń mazmunymen tanyspastan qol qoıyp jiberedi. Sóıtip aıaq astynan fırmanyń quryltaıshysy bolyp shyǵa kelgen, al ol fırmanyń atyna qylmyskerler kredıt rásimdegen.

Jergilikti aqparat quraldarynyń málimetinshe, 2016 jyly Máskeýdiń Dorogomılovskıı soty áıelden qaryzdy óndirip alý týraly sheshim qabyldaǵan. Endi ol 1,82 mıllıard rýbl qaryzdy, sondaı-aq 127,4 mıllıon rýbl atqarýshy alymdy (sot úkimin óz erkimen oryndaý merzimin saqtamaǵany úshin salynatyn aıyppul – Sputnik) tóleýge mindetti.

Máskeý oblysyndaǵy adam quqyqtary jónindegi ýákil Ekaterına Semenova áıelge qatysty jaǵdaıdy óz baqylaýyna aldy.

 

"Adyrna" ulttyq portaly

Pikirler