Ol "Moskva 24" telearnasyna bergen sūhbatynda balany jalǧyz tärbielep otyrǧanyn jäne qaryz boluyna bailanysty jūmystan bosatylǧanyn aitty.

"Olarǧa hat keldı – sebebın tauyp, menı bırden jūmystan şyǧaryp jıberdı. Küieuımmen bırge tūrmaimyn, balany jalǧyz tärbielep otyrmyn. Advokatqa baryp, sotqa aryz berdım. Üiımdı tıntıdı. Därı-därmekke täueldı bolyp qaldym, jüikem jūqardy", - dedı būryn köşe tazalauşy bolyp jūmys ıstegen äiel.

Äiel bırneşe jyl būryn jūmysqa ornalaspaq bolady, äŋgımelesu kezınde qūjattardyŋ mazmūnymen tanyspastan qol qoiyp jıberedı. Söitıp aiaq astynan firmanyŋ qūryltaişysy bolyp şyǧa kelgen, al ol firmanyŋ atyna qylmyskerler kredit räsımdegen. Jergılıktı aqparat qūraldarynyŋ mälımetınşe, 2016 jyly Mäskeudıŋ Dorogomilovskii soty äielden qaryzdy öndırıp alu turaly şeşım qabyldaǧan. Endı ol 1,82 milliard rubl qaryzdy, sondai-aq 127,4 million rubl atqaruşy alymdy (sot ükımın öz erkımen oryndau merzımın saqtamaǧany üşın salynatyn aiyppūl – Sputnik) töleuge mındettı. Mäskeu oblysyndaǧy adam qūqyqtary jönındegı uäkıl Ekaterina Semenova äielge qatysty jaǧdaidy öz baqylauyna aldy.